អតីតយុវជនបាទី សាន គឹមហេង ស៊ុត២គ្រាប់ ជួយ វិសាខា ឈ្នះ ការពារជាតិ ២-០
- 2018-05-19 09:52:57
- ចំនួនមតិ 0 | ចំនួនចែករំលែក 0
អតីតយុវជនបាទី សាន គឹមហេង ស៊ុត២គ្រាប់ ជួយ វិសាខា ឈ្នះ ការពារជាតិ ២-០
ចន្លោះមិនឃើញ
ក្រសួងការពារជាតិមិនអាចស្វែងរកពិន្ទុបានទេក្នុងសប្តាហ៍ទី៦ នៃលីគកំពូលកម្ពុជាល្ងាចថ្ងៃសៅរ៍នេះ បន្ទាប់ចាញ់ក្រុមខ្លាំងចំណូលថ្មី វិសាខា ដោយលទ្ធផល ២-០ នៅកីឡដ្ឋានវេស្ទើន។
ការប្រកួតទាំងពីរវគ្គបង្ហាញឲ្យឃើញយ៉ាងច្បាស់ថា តំបន់ប្រយុទ្ធ និងតំបន់ការពាររបស់ វិសាខា ពិតជាល្អដែលធ្វើឲ្យក្រសួងការពារជាតិមិនអាចបំប៉ោងសំណាញ់ទីរបស់ខ្លួនបានឡើយ។ ខ្សែបម្រើកូរ៉េខាងជើងទាំងឆ្វេង និងស្តាំរបស់វិសាខាជាផ្នែកដ៏សំខាន់ដែលជួយដល់អតីតយុវជនសាលាបាល់ទាត់ទន្លេបាទី សាន គឹមហេង ដែលលេងតំបន់កណ្តាលដើម្បីរកគ្រាប់បាល់។ ២គ្រាប់របស់ សាន គឹមហេង រកបាននៅនាទីទី៤៥+ នៃវគ្គទី១ និងនៅនាទីទី៧៤នៃវគ្គទី២។ រហូតដល់សប្តាហ៍នេះ អតីតយុវជនបាទីរកបាន៣គ្រាប់ហើយក្នុងលីគកំពូលកម្ពុជា។
ចំណែកក្រសួងការពារជាតិក៏មានឱកាសស៊ុតម្តងម្កាលដែរ ប៉ុន្តែធ្វើមិនបានសម្រេចដោយអ្នកចាំទី កែវ សុខសិលា ជួយសង្គ្រោះបានរហូត និងខ្សែការពាររបស់វិសាខា ក៏រឹងមាំថែមទៀត។
ចំណែកមួយគូទៀត ក្រុមអាស៊ីអឺរ៉ុប និងអង្គរថាយហ្គឺរ ចែកគ្នាបាន១ពិន្ទុម្នាក់ប៉ុណ្ណោះ បន្ទាប់ពីបញ្ចប់៩០នាទីដោយលទ្ធផល ២-២៕