Conte ទាយជោគវាសនាអនាគតខ្លួនជាមួយ Chelsea បន្ទាប់ពី FA Cup

2018-05-19 08:06:40
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Antonio Conte បានទទួលស្គាល់ថាអនាគតរបស់លោកជាមួយក្លឹបតោខៀវកាន់តែផុយស្រួយបើទោះជាលោកដឹកនាំ Chelsea ឈ្នះពាន FA Cup ទល់នឹង Man Utd យប់នេះក្តី។

សារព័ត៌មាន Mirror បានចុះផ្សាយថា គ្រូបង្វឹកដែលបានដឹកនាំ Chelsea ឈ្នះពាន Premier League រដូវកាលមុនបានសារភាពថា លោកនៅតែអាចត្រូវគេបណ្តេញចេញបើទោះក្លឹបអាចលើកពានយប់នេះក៏ដោយ។

"ដូចអ្នកដឹងច្បាស់ហើយថា ការងាររបស់ពួកយើងពិបាកណាស់។ ពេលខ្លះអ្នកឈ្នះ ប៉ុន្តែ ក្លឹបសម្រេចចិត្តបណ្ដេញអ្នកចេញដោយសារតែពួកគេមានហេតុផលដើម្បីធ្វើរឿងនេះ "។ លោក Conte បាននិយាយ។

គ្រូបង្វឹកសញ្ជាតិអ៊ីតាលីបាននិយាយពីទុក្ខលំបាកក្នុងនាមជាគ្រូបង្វឹកថា ការងាររបស់ពួកគេមានអ្នកចាំវាយតម្លៃពីលើ។ បើទោះជាការដឹកនាំក្រុមឲ្យឈ្នះពាន ឬ ឈ្នះក្នុងលីគ វាមិនឆ្លុះបញ្ចាំងទាំងស្រុងពីស្នាដៃដឹកនាំរបស់គ្រូបង្វឹកក៏ដោយ ប៉ុន្តែលោកមិនបដិសេធទេថា ដឹកនាំក្លឹបចាញ់ការប្រកួត មានន័យថាគ្រូបង្វឹកបំពេញការងារមិនបានល្អ។

គ្រូបង្វឹកវ័យ៤៨ឆ្នាំបានពន្យល់ថា ត្រូវតែបែងចែកឲ្យដាច់រវាងស្ថានភាព២ ទី១ គឺ ក្លឹប និង ទី២ គឺ គ្រូ។ លោកបានលើកឧទាហរណ៍លីគនៅបារាំង អ៊ីតាលី និង អាឡឺម៉ង់ ដែលមានក្លឹបខ្លាំងៗតែប៉ុន្មានក្រុមប៉ុណ្ណោះ ប៉ុន្តែមិនមែនមានន័យថា មានគ្រូបង្វឹកល្អៗតែប៉ុន្មាននាក់ទេ។ ប្រភពខាងលើបន្ត។

តោខៀវ Chelsea និង បិសាចក្រហម Man Utd នឹងបើកឆាកប្រយុទ្ធដើម្បីដណ្ដើមពានតែមួយគត់របស់ពួកគេរៀងៗនារដូវកាលនេះ នៅថ្ងៃទី១៩ ឧសភា វេលាម៉ោង ១១:១៥ នាទីយប់ ម៉ោងនៅកម្ពុជា៕

ប្រភព៖ Mirror ប្រែសម្រួល៖ សុខ លាងហ៊ត