ស្ងាត់ៗ Huawei ចេញម៉ូដែលថ្មី Y5 Prime សេរ៊ីឆ្នាំ ២០១៨
- 2018-05-21 03:40:21
- ចំនួនមតិ 0 | ចំនួនចែករំលែក 0
ស្ងាត់ៗ Huawei ចេញម៉ូដែលថ្មី Y5 Prime សេរ៊ីឆ្នាំ ២០១៨
ចន្លោះមិនឃើញ
ថ្វីបើពុំមានការប្រកាសធំដុំ ប៉ុន្តែក្រុមហ៊ុន Huawei បានដាក់បន្ថែមដោយស្ងាត់ៗនូវម៉ូឌែលថ្មី Y5 Prime សេរ៊ីឆ្នាំ ២០១៨ លើគេហទំព័រផ្លូវការរបស់ខ្លួន ជាមួយនឹងការបង្ហើបនូវលក្ខណៈសម្បត្តិម៉ាស៊ីនមួយចំនួន។
ម៉ូឌែលនេះមានវិមាត្រខ្លួន ១៤៦,៥ x ៧០,៩ x ៨,៣ ម.ម អមទម្ងន់ខ្លួនស្រាល ១៤២ ក្រាម អេក្រង់កម្រិត HD+ ទំហំ ៥,៤៥ អ៊ីញ ប្រើ RAM 2GB ជាមួយអង្គផ្ទុក 16GB។ អាចប្រើប្រាស់ស៊ីមពីរ បន្ថែម microSD មួយ ប្រភេទប្រអប់ស៊ីម DRA-L22 ខុសពី DRA-L02 អាចប្រើបានតែមួយប៉ុណ្ណោះ។
បន្ថែមពីនេះតាមការលេចលឺកន្លងទៅ Y5 Prime សេរ៊ីថ្មី នឹងបំពាក់នូវអង្គគណនា CPU Quad-Core រត់នៅល្បឿន 1.5GHz បន្សំនឹងឈីប Snapdragon 450 ផ្អែកតាមការទស្សន៍ទាយពីអ្នកជំនាញ។ ផ្នែកកាមេរ៉ាក្រោយទំហំ 13MP និងខាងមុខ 5MP អាចប្រើមុខងារស្កេនផ្ទៃមុខដោះសោ Face Unlock ដំណើរការលើ Android 8.1 ខណៈថាមពលថ្ម ៣ ០២០mAh អាចចាក់ចម្រៀងបាន ៦២ ម៉ោង និងវីដេអូបាន ១៣ ម៉ោងរៀងរាល់ការសាកមួយពេញម្តង។
ដំណឹងល្ហិចល្ហៀងអាចមកជាមួយពណ៌ខ្មៅ ខៀវ និងទឹកមាស ប៉ុន្តែតម្លៃនិងកាលបរិច្ឆេទចេញលក់លើទីផ្សារមិនទាន់ត្រូវបានប្រកាសជាផ្លូវការនោះឡើយ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
