គ្រាន់តែបាត់មេធំមួយ ភាគហ៊ុន Baidu ធ្លាក់ចុះ ៩ ភាគរយ

2018-05-21 06:29:36
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃសុក្រកន្លងទៅក្រុមហ៊ុន Baidu បានប្រកាសថា COO លោក Qi Lu នឹងសម្រេចលាលែងពីតំណែងក្នុងខែកក្កដា ក្រោយចូលបម្រើការបានមិនទាន់ដល់ ២ ឆ្នាំពេញលេញក្នុងមុខងារដ៏ធំនេះ។ ភ្លាមនោះភាគហ៊ុនរបស់ក្រុមហ៊ុនដល់ទៅ ៩ ភាគរយបានធ្លាក់ចុះ បន្ទាប់ពីសេចក្តីប្រកាសបានធ្វើឡើង។

រូបតំណាងលោក Qi Lu

ការផ្លាស់ប្តូរក៏ជាការបាត់បង់ដ៏ធំធេងមួយរបស់ក្រុមហ៊ុនបច្ចេកវិទ្យាកំពូលនៅស្រុកចិន ដែលកំពុងប្រកួតប្រជែងជាមួយអាមេរិកលើការធ្វើឲ្យប្រសើរឡើងបច្ចេកវិទ្យា Artificial Intelligence។ ក្រុមហ៊ុន Baidu បានទាក់ទងឲ្យលោក Lu មកបម្រើការអមតំណែង CEO លោក Robin Li កាលពីខែមករា ឆ្នាំ ២០១៧ ខណៈគ្រានោះលោកបម្រើការជាអនុប្រធានប្រតិបត្តិនៅ Microsoft ទទួលបន្ទុកលើការអភិវឌ្ឍកម្មវិធី Office ក្រោយពេលធ្លាប់បម្រើការនៅក្រុមហ៊ុន IBM និង Yahoo។

ថ្លែងក្នុងសន្និសីទសារព័ត៌មានលោក Li មានប្រសាសន៍ថា៖ "កន្លងមកយើងបានឃើញភាពវិជ្ជមានជាច្រើននៅ Baidu ចាប់តាំងពី Qi មកចូលរួមក្នុងឆ្នាំទៅ ពិសេសបំផុតលោកមានការប្តេជ្ញាចិត្ត និងយល់ច្បាស់ពីបច្ចេកវិទ្យានិងអាជីវកម្ម។

ឆ្លើយតបមកវិញរបស់លោក Lu បានបញ្ជាក់ថាលោកនឹងពុំបម្រើការពេញម៉ោងក្នុងប្រទេសចិនទៀតនោះទេ ក៏ដោយសារបញ្ហាបុគ្គលនិងគ្រួសារ ហើយចំណាយពេលច្រើនជាងនេះនៅសហរដ្ឋអាមេរិក ប៉ុន្តែធ្លាក់មកតំណែងជាអនុប្រធានក្រុមប្រឹក្សាភិបាល ទទួលបន្ទុកលើការស្រាវជ្រាវនិងអភិវឌ្ឍជំនួសវិញ។