ស្រ្តីអនាថាដេកស្លាប់ម្នាក់ឯង ទាំងសល់លុយក្នុងធនាគារ ជាង១លានដុល្លារ

2018-05-21 02:38:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រ្តីអនាថាគ្មានផ្ទះសម្បែងម្នាក់ដែលបានស្លាប់នៅក្នុងដំណេករបស់ខ្លួន ត្រូវគេរកឃើញថា សល់លុយជាង ១លានដុល្លារនៅក្នុងធនាគារ និង លុយសុទ្ធរាប់ពាន់ដុល្លារទៀត លាក់ទុកនៅក្នុងថង់ខ្មៅ។

អ្នកស្រី Fatima Othman

ប៉ូលិសមានការភ្ញាក់ផ្អើលយ៉ាងខ្លាំង បន្ទាប់ពីស្រ្តីជាជនពិការ ឈ្មោះ Fatima Othman បន្តរស់នៅយ៉ាងតោកយ៉ាក ខណៈមានលុយរាប់លានដុល្លារបែបនេះ។ អ្នកស្រី Fatima ដែលរស់នៅស្រុក Ain Al-Zahab ក្រុង Akkar ប្រទេសលីបង់ ត្រូវបានប៉ូលិស និងអ្នករស់នៅទីនោះស្គាល់សឹងគ្រប់គ្នា ប៉ុន្តែមិនធ្លាប់គិតសោះថា អ្នកស្រីសល់លុយច្រើនបែបនេះ។

ក្រុមមន្រ្តីប៉ូលិសបានស៊ើបអង្កេតលើការស្លាប់របស់អ្នកស្រី ដោយរកឃើញថង់ខ្មៅចំនួន ២ ដែលមានផ្ទុកលុយសុទ្ធជាង ៣ពាន់ដុល្លារ និង សៀវភៅធនាគារក្នុងស្រុកមួយ ដែលមានលុយសន្សំជាង ១លានដុល្លារ។

អ្នកនាំពាក្យប៉ូលិសម្នាក់មានឈ្មោះថា Joseph Musallem បានឲ្យដឹងថា ការស្លាប់របស់អ្នកស្រី Fatima មិនមែនជារឿងឃាតកម្មឡើយ ដោយបន្ថែមថា ស្រ្តីវ័យ៥២ឆ្នាំរូបនេះបានគាំងបេះដូងស្លាប់នៅពេលដេកលក់៕

ចុចអាន៖

ប្រភព៖ Metro ប្រែសម្រួល៖ សេង ឡុង