រំភើប! ឆាយ វីរៈយុទ្ធ បង្ហាញអារម្មណ៍ពិតចំពោះភរិយានៅថ្ងៃខួបអាពាហ៍ពិពាហ៍

2018-05-21 03:48:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃ ២១ឧសភា នេះគម្រប់ខួបមួយឆ្នាំនៃចំណងអាពាហ៍ពិពាហ៍របស់តារាចម្រៀង ឆាយ វីរៈយុទ្ធ និងភរិយា អ្នកនាងសែ ចាន់ឌី។ លោកបានបង្ហើសំនៀងដែលនិយាយពីសំណួរដែលលោកត្រូវឆ្លើយជាមួយភរិយាជាប្រចាំ និងពីអារម្មណ៍ពិតរបស់ខ្លួន។

តាមការឲ្យដឹងពីភរិយាលោក ឆាយ វីរៈយុទ្ធ អ្នកនាង សែ ចាន់ឌី ថា អ្នកនាងតែងបទ «ស្រឡាញ់គ្នារហូតក្លាយជាយាយតា» គឺដើម្បីរម្លឹកដល់ខួប១ឆ្នាំនៃជីវិតគូរបស់អ្នកនាង។ អ្នកនាងថា បទនេះក៏បង្ហាញពីអារម្មណ៍ពិតរបស់ស្វាមីនាង ដែលពិបាកឆ្លើយនឹងសំំណួរថាស្រឡាញ់អូនទេពេលអូនចាស់ទៅ របស់អ្នកនាង។

អ្នកនាងបន្តថា បទនេះចង់និយាយពីក្តីស្រលាញ់ និងភាពស្មោះត្រង់របស់មនុស្សប្រុស គឺមិនចូលចិត្តបង្ហាញលើពាក្យសម្ដីតែចូលចិត្តបង្ហាញលើទង្វើ។ តាមជំនឿជីវិតគូបានជួបជាប្ដីប្រពន្ធត្រូវធ្វើបុណ្យជាមួយគ្នាជាច្រើនទើបអាចជួបគ្នា អ្នកនាងថា ស្វាមីអ្នកនាងចង់ឲ្យជីវិតគូអ្នកនាងដើរដល់ចំណុចមួយដែលគេហៅថាតាយាយ ហើយបានធ្វើបុណ្យរួមគ្នាឲ្យច្រើន។

បទនេះនិយាយពីសំណួរមួយដែលមនុស្សស្រីតែងតែសួរស្វាមីខ្លួនឯង គឺថាបងស្រលាញ់អូនអត់? ពេលខ្លះមនុស្សពិតជាធុញក្នុងការឆ្លើយ ប៉ុន្តែមនុស្សស្រីពិតជាចូលចិត្តស្ដាប់ពាក្យថាស្រលាញ់ណាស់ ទោះជាស្ដាប់ច្រើនដ៏យ៉ាងណាក៏មិនធុញ។

ក្នុងថ្ងៃគម្រប់ខួបអាពាហ៍ពិពាហ៍ ១ឆ្នាំនេះអ្នកនាង ចាន់ឌី ថាមានដែលបទចម្រៀងមួយបទនេះតែប៉ុណ្ណោះជាចំណងដៃ និងទៅវត្តដើម្បីកុសលជាមួយស្វាមី៕

អត្ថបទ៖ ច្រឹក ស្រីអូន

រូបភាពផ្តល់សិទ្ធិដោយ អ្នកនាងសែ ចាន់ឌិ