អគ្គនាយកក្រុមហ៊ុន LG ទទួលមរណៈភាព ក្រោយតស៊ូជំងឺបានមួយឆ្នាំ
- 2018-05-21 07:42:22
- ចំនួនមតិ 0 | ចំនួនចែករំលែក 0
អគ្គនាយកក្រុមហ៊ុន LG ទទួលមរណៈភាព ក្រោយតស៊ូជំងឺបានមួយឆ្នាំ
ចន្លោះមិនឃើញ
លោក Koo Bon-moo អគ្គនាយកធំនៃក្រុមហ៊ុនផលិតឧបករណ៍អេឡិចត្រូនិក LG បានទទួលមរណភាពក្នុងអាយុ ៧៣ ឆ្នាំ បន្ទាប់ពីលោកបានកើតជំងឺខួរក្បាលកាលពីឆ្នាំ ២០១៧។
លោក Koo Bon-moo ជាកូនចៅជំនាន់ទី ៣ ត្រកូលស្ថាបនិកក្រុមហ៊ុនដើមរបស់ប្រទេសកូរ៉េខាងត្បូង មានឈ្មោះដើមថា Lucky Goldstar ហើយប្ដូរមកជា Life's Good នាពេលសព្វថ្ងៃនេះ។
ទោះបីជាជំនាន់ក្រោយរបស់ត្រកូលអ្នកបង្កើតក្រុមហ៊ុនមែន តែលោក Koo Bon-Moo ត្រូវបានចាត់ទុកជាបុគ្គល ដែលដឹកនាំ LG ប្រឡូកក្នុងទីផ្សារបរទេស និងទទួលបានជោគជ័យដល់សព្វថ្ងៃ។ តួយ៉ាង ក្នុងឆ្នាំ ១៩៩៥ ពេលលោកឡើងកាន់ដំណែងជាអគ្គនាយកដំបូង ក្រុមហ៊ុន LG រកប្រាក់ចំណេញបានដល់ទៅ ៣០ ទ្រីលាន (trillion) វ៉ុន ឯណោះ ស្មើនឹង ២៧ ពាន់លានដុល្លារអាមេរិកនាពេលបច្ចុប្បន្ន។
បន្ទាប់ពីមរណៈភាពរបស់លោក Koo Bon-moo លោក Koo Kwang-mo ដែលជានាយកផ្នែកអេក្រង់នៃក្រុមហ៊ុន LG ដែលត្រូវជាកូនប្រុសរបស់លោក Koo Bon-moo នឹងឡើងកាន់ដំណែងតពីឪពុករបស់ខ្លួន។
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
