Pogba នឹងមិនទៅលេងនៅ PSG នោះទេនាពេលខាងមុខ ក្រោមហេតុផលមួយនេះ
- 2018-05-21 13:03:19
- ចំនួនមតិ 0 | ចំនួនចែករំលែក 0
Pogba នឹងមិនទៅលេងនៅ PSG នោះទេនាពេលខាងមុខ ក្រោមហេតុផលមួយនេះ
ចន្លោះមិនឃើញ
បន្ទាប់ពីមានសេចក្ដីរាយការណ៍ជាច្រើនអំពីការមានទំនាស់គ្នារវាងលោក Jose Mourinho និងខ្សែបម្រើ Paul Pogba មានពាក្យចចាមអារ៉ាមជាច្រើនដែលថាកីឡាករបារាំងអាចនឹងចូលរួមក្លឹបមួយចំនួន ក្នុងនោះក៏មាន PSG ផងដែរ។ ទោះជាយ៉ាងណា Pogba បានចេញមុខបកស្រាយជុំវិញរឿងហ្នឹង ក្នុងថ្ងៃនេះ។
ខ្សែបម្រើ Paul Pogba បានទាត់ចោលពាក្យចចាមអារ៉ាមនេះ។ មូលហេតុដែលកីឡាករបារាំងមិនចាប់អារម្មណ៍នឹងក្លឹប PSG គឺដោយសារតែឪពុក និងម្ដាយខ្លួនជាអ្នកគាំទ្រក្លឹប Marseille។
សូមបញ្ជាក់ផងដែរថា PSG និង Marseille គឺជាគូប្រជែងដ៏ស្វិតស្វាញក្នុងបាល់ទាត់បារាំង។ ជំនួបរវាងក្លឹបទាំងពីរមានឈ្មោះថា Le Classique។ វាមិនត្រឹមតែជាជំនួបរបស់ក្លឹបបាល់ទាត់បារាំងពីរដែលមានអ្នកគាំទ្រដ៏ច្រើនប៉ុណ្ណោះទេ តែគឺជាជំនួបបង្កប់ដោយន័យប្រវត្តិសាស្ត្រ សេដ្ឋកិច្ច និងសង្គមក្នុងប្រទេសអឺរ៉ុបមួយនេះ ព្រោះទាំង Marseille (ស្ថិតនៅភាគខាងត្បូង) និង ប៉ារីស (ស្ថិតនៅភាគខាងជើង) សុទ្ធតែជាទីក្រុងធំៗរបស់បារាំង។
បន្ថែមពីការបកស្រាយទាក់ទិននឹងពាក្យចចាមអារ៉ាមទៅ PSG ខ្សែបម្រើ Pogba បានបញ្ជាក់ជាថ្មីថា ខ្លួននៅតែមានទំនាក់ទំនងល្អជាមួយលោក Mourinho។
បើទោះជាឆ្លើយក្នុងន័យមិនសូវច្បាស់ កីឡាករបារាំងបាននិយាយថាខ្លួននឹងបន្តនៅក្លឹបបិសាចក្រហម។ ខ្សែបម្រើបាននិយាយ៖ "តើខ្ញុំនឹងបន្តនៅ Manchester United ? ខ្ញុំមិនច្បាស់ទេ តែឥឡូវខ្ញុំកំពុងជាប់កុងត្រាជាមួយក្លឹប"៕