រូបថតជុំគ្រួសារពិធីរៀបអភិសេកព្រះអង្គម្ចាស់ Harry និង Meghan បង្ហាញជាផ្លូវការ

2018-05-22 01:39:43
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបថតអភិសេកជាផ្លូវការរបស់ព្រះអង្គម្ចាស់ Harry និង Meghan Markle បានបង្ហាញចេញជាសាធារណៈហើយកាលពីម្សិលមិញ។

រូបភាពដ៏សែនមានន័យក្នុងឆ្នាំ ២០១៨ នៃអាពាហ៍ពិពាហ៍គូស្នេហ៍រាជវង្សមួយគូបានបង្ហាញជាផ្លូវការហើយ មានចំនួន ៣សន្លឹក។ ក្នុងនោះ ២សន្លឹក គឺជារូបថតរបស់ព្រះអង្គម្ចាស់ Harry និង Meghan ជាមួយនឹងគ្រួសារទាំងសងខាង ពោលមានតាំងពីព្រះវត្តមានម្ចាស់ក្រត្រី Elizabeth, ព្រះអង្គ Philip, ព្រះបិតា Charles, ព្រះនាង Camilla, ម្ដាយរបស់ Meghan, ព្រះអង្គម្ចាស់ William និងព្រះនាង Catherine ព្រមទាំងបុត្រាបុត្រីជាច្រើនអង្គ។ ឯ១សន្លឹកទៀតជារូបគូស្នេហ៍តែ២នាក់។

រូបទាំងនេះ ថតដោយអ្នកជំនាញថតរូប Alexi Lubomirski ដែលប្រិតប្រៀងបំផុត ក្នុងការផ្ដិតយកប្លង់ល្អៗ ពិសេសពេលវេលាមានអត្ថន័យបំផុតជាប្រវត្តិសាស្ត្រ។

មួយវិញទៀត បើតាមការឲ្យដឹងពីវិបសាយ Time ព្រះអង្គម្ចាស់ Harry និងមហេសីមានក្ដីសោមនស្សរីករាយជាពន់ពេកដែលបានចែករំលែកពេលវេលានេះជាមួយមនុស្សទូទាំងពិភពលោក ពិសេសក៏អរគុណអ្នកគ្រប់គ្នាដែលបានចូលរួមក្នុងពិធីមង្គលនេះ៕

ប្រភព៖ Time ប្រែសម្រួល៖ យី សុធារី