មេឃភ្លៀងខ្លាំង ត្រូវប្រុងប្រយ័ត្នរឿង ៦យ៉ាងនេះ ការពារគ្រោះថ្នាក់ដល់ជីវិត
- 2018-05-22 03:05:05
- ចំនួនមតិ 0 | ចំនួនចែករំលែក 0
មេឃភ្លៀងខ្លាំង ត្រូវប្រុងប្រយ័ត្នរឿង ៦យ៉ាងនេះ ការពារគ្រោះថ្នាក់ដល់ជីវិត
ចន្លោះមិនឃើញ
រដូវវស្សាសម្រាប់ឆ្នាំ ២០១៨ បានចូលមកដល់ គេសង្កេតឃើញមានភ្លៀងជោគជាំមួយរយៈចុងក្រោយដែលបានបង្ក គ្រោះធម្មជាតិ ដូចជា គ្រោះទឹកជំនន់ រន្ទះបាញ់ កើតឡើង ដោយមិនបានដឹងមុន។ ហេតុនេះ ដើម្បីការពារផ្ទះសំបែងរបស់អ្នក ក៏ដូចជាការធ្វើដំណើរនៅតាមដងផ្លូវដោយសុវត្ថិភាព លោកអ្នកគួរត្រៀមខ្លួនជាស្រេច។ តទៅនេះជាបទពិសោធន៍របស់អ្នករស់នៅភ្នំពេញមួយចំនួនបានរៀបរាប់ចែករំលែកចំណេះដឹង សម្រាប់ការពារសុវត្ថិភាពផ្ទាល់ខ្លួន នៅពេលមានកំពុងភ្លៀង៖
១. ចរន្តអគ្គិសនីពេលទឹកចូលផ្ទះ
គួរបិទ ឬដកខ្សែភ្លើងភ្ជាប់ចរន្តណាមួយចេញឲ្យអស់ តួយ៉ាងគួរដកខ្សែភ្លើងចេញពីសម្ភារៈនានាពេលមិននៅផ្ទះ ដូចជាទូរទស្សន៍ ទូរទឹកកក...។
២. ការពារសត្វអាសិរពិសចូលផ្ទះ
បិទទ្វារផ្ទះឲ្យជិតការពារសត្វអាសិរពិសនានា មានដូចជា ក្អែប ខ្ទួយ ពស់ ជាដើម
៣. កុំធ្វើដំណើរពេលមេឃភ្លៀងខ្លាំង
ពេលមេឃកំពុងភ្លៀងខ្លាំង សូមកុំចេញក្រៅ ហើយ បើនៅក្រៅ គួរឈប់ជ្រកភ្លៀងសិន ព្រោះអាចនឹងមានគ្រោះធម្មជាតិ(រន្ទះបាញ់)កើតឡើងជាយថាហេតុ។ មួយវិញទៀត នៅរដូវភ្លៀងបែបនេះ សូមកុំភ្លេចដាក់អាវភ្លៀងតាមយានយន្តលោកអ្នកផងដែរ។
៤. ទូរស័ព្ទគួរបិទចោល
ទូរស័ព្ទ មានសារជាតិវិទ្យុសកម្ម ហេតុនេះពេលលោកអ្នកកំពុងធ្វើដំណើរក្រោមដំណក់ទឹកភ្លៀង គួរបិទទូរស័ព្ទចោលតែម្ដង ដើម្បីការពាររន្ទះបាញ់។
៥. យានយន្តពេលជិះកាត់ទឹកជំនន់
បើទឹកជ្រៅ គួរពន្លត់ម៉ូតូឈប់សិន រីឯរថយន្តស៊ីសងលើអ្នកបើក ស្ទង់កម្ពស់ទឹក បើអាចទៅបានសឹមទៅ។
៦. ត្រូវតែបើកបរក្នុងល្បឿនយឺត និងបើកភ្លើង ប្រសិនភ្លៀងខ្លាំង
គួរបើកបរក្នុងល្បឿនយឺត ដើម្បីចៀសវាងបញ្ហាអាក្រក់កើតឡើង អ្នកបើកបរ ត្រូវតែបន្ថយល្បឿន និងត្រូវពិនិត្យមើល ឲ្យបានត្រឹមត្រូវ ពេលបត់ ហើយក៏មិនត្រូវជ្រែផងដែរ។ ម្យ៉ាងទៀតពេលបើកបរក្នុងស្ថានភាពភ្លៀងធ្លាក់ គួរតែកុំចាប់ហ្វ្រាំងមុខ តែអាចចាប់ហ្វ្រាំងក្រោយអមតិចៗ ការពារកុំឲ្យរអិល និងត្រូវបើកភ្លើងម៉ូតូ ពេលមេឃងងឹត។