Navas ដាស់តឿន Liverpool ថា Real មានខ្សែការពារល្អបំផុតលើលោក

2018-05-22 03:52:51
ចំនួនមតិ 0 | ចំនួនចែករំលែក 0

ចន្លោះមិនឃើញ

Keylor Navas បានផ្ដាំទៅ Liverpool ថាក្រុម Real Madrid បានត្រៀមខ្លួនរួចហើយដើម្បីទប់ទល់នឹងប្រព័ន្ធប្រយុទ្ធរបស់ក្រុមអង់គ្លេសដែលល្បីថាខ្លាំងនៅ Champions League រដូវកាលនេះ។

Navas

ហង្សក្រហម Liverpool គឺជាក្រុមដែលស៊ុតបញ្ចូលទីបានច្រើនជាងគេនៅពានទ្វីបអឺរ៉ុបរដូវកាល ២០១៧-១៨ សរុប៤០គ្រាប់ ដោយសារពួកគេមានក្រុមប្រយុទ្ធខ្លាំងមានដូចជា Mane, Firmino និង Mohamed Salah ជាដើម។

ចាប់តាំងពីវគ្គជម្រុះមកក្រុមណាដែលប៉ះ Liverpool តែងរបូតគ្រាប់បាល់តិចបំផុត៥គ្រាប់សរុបទាំងពីរជើង។ យ៉ាងណាអ្នកចាំទីដៃទីមួយ Navas ជឿជាក់ថា Real ពិតជាអាចទប់ទល់បាន។ តារាដៃស្វិតសញ្ជាតិកូស្ដារីកា បាននិយាយថាក្រុមជើងឯក១២សម័យកាលសំបូរបទពិសោធន៍ និងមានខ្សែការពារល្អបំផុតលើកលោក។

“Real មិនសូវបានសម្រាកទេមុនវគ្គផ្ដាច់ព្រ័ត្រ ប៉ុន្តែនេះមិនមែនជារឿងថ្មីឡើយសម្រាប់យើង។ Liverpool មានក្រុមប្រយុទ្ធដែលគ្រោះថ្នាក់អាចគំរាមកំហែងដល់គូប្រកួតប៉ុន្តែ Real Madrid មានខ្សែការពារល្អបំផុតលើលោក ហើយខ្ញុំពិតជាជឿជាក់លើមិត្តរួមក្រុម១០០%។ កីឡាករវ័យ៣១ឆ្នាំនិយាយដូច្នេះ៕