កីឡាករលេចធ្លោរដូវកាលនេះ៥រូប មិនបានទៅលេង World Cup
- 2018-05-22 04:42:08
- ចំនួនមតិ 0 | ចំនួនចែករំលែក 0
កីឡាករលេចធ្លោរដូវកាលនេះ៥រូប មិនបានទៅលេង World Cup
ចន្លោះមិនឃើញ
៣២ ដែលមានសំបុត្រយន្តហោះទៅ World Cup ប្រទេសរុស្សីស្ទើរតែទាំងអស់ហើយបានបញ្ចេញបញ្ជីឈ្មោះកីឡាកររបស់ខ្លួនត្រៀមប្រកួតព្រឹត្តិការណ៍ដ៏ធំរៀបចំ៤ឆ្នាំម្ដងនេះ។ គ្រូបង្វឹកជម្រើសជាតិមួយចំនួនបានធ្វើឲ្យពិភពលោកភ្ញាក់ផ្អើលខ្លាំង ក្រោយសម្រេចមិនដាក់កីឡាករដែលលេចធ្លោរដូវកាលនេះចូលក្នុងបញ្ជីរបស់ពួកគេ។ ខាងក្រោមជា កីឡាករលេចធ្លោ ៥រូបមិនបានទៅលេង World Cup៖
១. Mauro Icardi
ក្នុងបញ្ជី២៣នាក់ជម្រើសជាតិអាហ្សង់ទីនលោក Sampaoli បានសម្រេចចិត្តកាត់ Mauro Icardi ចេញ។ Icardi វ័យ២៥លេចធ្លោខ្លាំងនៅ Serie A រដូវកាលនេះជួយ Inter Milan បានលេខ៤មានឱកាសទៅលេង UCL រដូវកាលក្រោយ។ ខ្សែប្រយុទ្ធរូបនេះក៏ជាអ្នកទាត់បញ្ចូលទីច្រើនជាងគេទីពីរ នៅ Serie A មាន២៩គ្រាប់។
២. Radja Nainggolan
ខ្សែបម្រើ Radja Nainggolan បានប្រកាសចូលនិវត្តន៍ ក្រោយជម្រើសជាតិបែលហ្សិកមិនបានកោះហៅទៅលេង World Cupកាលពីពេលថ្មីៗ។ រដូវកាលនេះកីឡាករវ័យ៣០ឆ្នាំបាននាំ Roma ឡើងដល់វគ្គពាក់កណ្ដាលផ្ដាច់ព្រ័ត្រ Champions League និងបានលេខ៣ក្នុងលីគ។ យ៉ាងណាគេបានត្រឹមក្រៅជម្រើសរបស់លោក Roberto Martinez។
៣. Marcos Alonso
រដូវកាលនេះ Alonso ស្ទើរតែលេងគ្រប់ប្រកួតឲ្យ Chelsea ទៅហើយ។ លេងក្នុងតួនាទីបម្រើផង ការពារផងកីឡាករវ័យ២៧ឆ្នាំរកបាន ៧គ្រាប់ក្នុងលីគ។ ជាពិសេសចុងក្រោយកាលពីចុងសប្ដាហ៍ គេបានជួយក្រុមយកឈ្នះ Man Utd លើពាន FA Cup។ ល្អបែបនេះក្ដី Alonso មិនស្ថិតក្រោមជម្រើសអេស្ប៉ាញ ដែលកំពុងដឹកនាំដោយលោក Julen Lopetegui។
៤. Dimitri Payet
Payet ជាស្នូលសំខាន់បំផុតរបស់ក្លឹប Marseille នារដូវកាល២០១៧-១៨។ អតីតកីឡាកររបស់ West Ham រូបនេះបានជួយក្រុមឡើងដល់វគ្គផ្ដាច់ព្រ័ត្រ Europa League ប៉ុន្តែភ្លាត់ចាញ់ Atletico Madrid បានត្រឹមជើងឯករងប៉ុណ្ណោះ។ ក្នុងប្រកួតនោះ Payet ក៏មានរបួសផងដែរ។ ទោះមានរបួសយ៉ាងនេះក្ដី Payet ស្ថិតក្រៅបញ្ជីមាន់គកបារាំងដែលដឹកនាំដោយលោក Didier Deschamp ស្រាប់ទៅហើយ។
៥. Lacazette
ក្នុងចំណោម៣៨ប្រកួតរបស់ Arsenal ក្នុងលីគ ខ្សែប្រយុទ្ធរូបនេះបង្ហាញខ្លួនបាន៣១ប្រកួត ទាត់បញ្ចូលទី១៤គ្រាប់។ តែក្រោយបញ្ចេញបញ្ជីជម្រើសជាតិបារាំង គ្មានឈ្មោះ Lacazette ឡើយ៕