មានរឿងហើយ បទ "Fake Love" របស់ BTS កំពុងមានរឿងចម្រូងចម្រាស់លើប្រព័ន្ធផ្សព្វផ្សាយអាមេរិក
- 2018-05-22 12:51:50
- ចំនួនមតិ 0 | ចំនួនចែករំលែក 0
មានរឿងហើយ បទ "Fake Love" របស់ BTS កំពុងមានរឿងចម្រូងចម្រាស់លើប្រព័ន្ធផ្សព្វផ្សាយអាមេរិក
ចន្លោះមិនឃើញ
ថ្មីៗនេះ មានព័ត៌មានលេចឮថា មានការផ្អាកការផ្សាយបទចម្រៀង Fake Love របស់ក្រុម BTS នៅតាមបណ្ដាប៉ុស្តិ៍វិទ្យុ និងទូរទស្សន៍អាមេរិក។
ជាក់ស្ដែង ការផ្អាកមិនឲ្យចាក់ផ្សាយបទ Fake Love របស់ក្រុម BTS នេះ ក្រោមមូលហេតុថា ក្នុងបទចម្រៀង Fake Love នេះ មានពាក្យថា 니가 (niga មានន័យថា អ្នក) និងពាក្យ 내가 (naega មានន័យថាខ្ញុំ) ដែលពាក្យទាំង២នេះ ងាយនឹងស្ដាប់ដូចពាក្យ N ។
បើតាមពិធីករ JJ Ryan នៅស្ថានីយ 1027KJ103 Oklahoma City បានឲ្យដឹងពីមូលហេតុនៃការផ្អាកការចាក់ផ្សាយបទ Fake Love ព្រោះតែខាង Federal Communications Commission បានទទួលការរិះគន់ជាច្រើននៃបទមួយនេះ។
ទោះជាយ៉ាងណា មានអ្នកគាំទ្រជាច្រើនចេញមកតវ៉ាថា វាមិនយុត្តិធម៌ក្នុងការផ្អាកការផ្សាយបទ Fake Love ព្រោះវាជាភាសាកូរ៉េ មិនមែនជាភាសាអង់គ្លេស។
សូមរំលឹកផងដែរ កន្លងទៅ ក៏មានបទ I am the best របស់ក្រុម 2NE1 ត្រូវបានផ្អាកការចាក់ផ្សាយដូចនេះដែរ៕