ម្ចាស់ពិធីត្រូវជះលុយទាំងដៃៗ បើចង់អញ្ជើញតារាបូលីវូដទាំងនេះមកក្នុងមង្គលការខ្លួន

2018-05-23 03:38:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មង្គលការក្នុងប្រទេសឥណ្ឌាបច្ចុប្បន្ន ប្រជាជនមានការបើកបង្ហាញជាសាធារណៈ មិនសូវលាក់លៀមដូចមុននោះទេ ហើយទឹកប្រាក់ត្រូវចំណាយក្នុងពិធីក៏មានចំនួនច្រើនដែរ ដើម្បីធ្វើឲ្យពេលវេលាដ៏មានន័យក្នុងជីវិតនោះកាន់តែពិសេស។

ម្ចាស់ដើមការតែងរៀបចំយ៉ាងល្អិតល្អន់ និងប្រាថ្នាចង់ឲ្យពិធីខ្លួនមានភាពលេចធ្លោ។ ពេលខ្លះពួកគេ ថែមទាំងមិនខ្លាចក្នុងការចំណាយលុយអញ្ជើញតារាបូលីវូដល្បីៗមកចូលរួមទៀតផង ស្របពេលអ្នកខ្លះទៀតមិនអាចធ្វើទៅរួច ព្រោះតម្លៃខ្លួនតារាទាំងនោះខ្ពស់ៗណាស់។

ដើម្បីជម្រះចម្ងល់នេះ សូមមកដឹងទាំងអស់គ្នា ថាតើកំពូលតារា ៥នាក់ប្រចាំប្រទេសឥណ្ឌាទទួលបានប្រាក់ប៉ុន្មានសម្រាប់មង្គលការមួយរោង?

១. តារាសម្ដែង Shahrukh Khan

ស្ដេចបូលីវូដរូបនេះ ជាតារាដែលរះគ្រប់សម័យកាល។ ពិតណាស់ Shahrukh Khan ល្បីឈ្មោះមិនអន់ទេក្នុងប្រទេសឥណ្ឌា ថែមទាំងជាអ្នកមានឥទ្ធិពលជាងគេ ក្នុងពិភពសិល្បៈទៀតផង ដូចនេះតើអ្នកណាមិនចង់អញ្ជើញលោកមកចូលរួមក្នុងថ្ងៃពិសេសនោះ? ប៉ុន្តែទោះជាយ៉ាងណា បើម្ចាស់ដើមការចង់ឲ្យ លោកបង្ហាញវត្តមានក្នុងពិធី នោះត្រូវចំណាយប្រាក់ ៣០លានរូពី (ប្រហែល ៤៤១ ១១៤ដុល្លារ) សម្រាប់វត្តមានរយៈពេល ២ ទៅ៣ម៉ោង។

២. តារាសម្ដែង Katrina Kaif

ស្រីស្អាតលេចធ្លោប្រចាំពិភពបូលីវូដនេះ មានតម្លៃខ្លួន ២០លានរូពី (ប្រហែល ២៩៤ ០៧៤ដុល្លារ) សម្រាប់ពិធីមង្គលការ មួយរោង។

៣. តារាសម្ដែង Akshay Kumar

ងាកចូលតារាប្រុសមាឌឌាំងនេះក៏មិនណយដែរ ដូចនេះគ្រាន់តែឃើញវត្តមានលោកក្នុងពិធីមង្គលការ ភ្ញៀវចូលរួមផ្សេងទៀតនឹងដឹងថា ម្ចាស់ដើមការហ៊ានចំណាយខ្ពស់ប៉ុណ្ណា។ ពិតណាស់ ដើម្បីអញ្ជើញ Akshay មកក្នុងពិធីមង្គលការ ត្រូវចំណាយ ១៥លានរូពី (ប្រហែល ២២០ ៥៥៧ដុល្លារ)។

៤. តារាសម្ដែង Deepika Padukone

កាលណាមានវត្តមាន Deepika ក្នុងពិធីមង្គលការ នោះនឹងធ្វើឲ្យថ្ងៃនោះកាន់តែពិសេស ប៉ុន្តែត្រូវចំណាយលុយ ១០លានរូពី (ប្រហែល ១៤៧ ០៣៨ដុល្លារ) ឯណោះ។

៥. តារាសម្ដែង Ranveer Singh

ប្រសិនចង់ឲ្យថ្ងៃដ៏សែនមានអត្ថន័យក្នុងជីវិតប្រព្រឹត្តិទៅជាពិសេស ដូចនេះ Ranveer អាចជួយបាន។ អ្នករៀបចំមង្គលការត្រូវហ៊ានចំណាយលុយដល់ទៅ ១០លានរូពី (ប្រហែល ១៤៧ ០៣៨ដុល្លារ) ដើម្បីអញ្ជើញលោកមកជាកិត្តិយស និងបង្កើនភាពហ៊ឹកហ៊ាក់ថែមមួយកម្រិត៕

ប្រភព៖ caravanalive ប្រែសម្រួល៖ យី សុធារី