អស់ពី G-Dragon ពេលនេះ Daesung ត្រូវបញ្ជូនទៅមន្ទីរពេទ្យម្ដង
- 2018-05-23 07:44:02
- ចំនួនមតិ 0 | ចំនួនចែករំលែក 0
អស់ពី G-Dragon ពេលនេះ Daesung ត្រូវបញ្ជូនទៅមន្ទីរពេទ្យម្ដង
ចន្លោះមិនឃើញ
សមាជិកក្រុម BIGBANG តារាចម្រៀង Daesung ត្រូវបានឲ្យដឹងថា បានត្រូវបញ្ជូនទៅកាន់មន្ទីរពេទ្យទាហានក្នុងខេត្ត Chuncheon ដែលជាទីកន្លែងដែលលោកកំពុងបំពេញកិច្ចការទាហានសព្វថ្ងៃនេះ។
តាមសេចក្ដីរាយការណ៍ព័ត៌មានបានឲ្យដឹងថា តារាចម្រៀងប្រុសរូបនេះត្រូវបានបញ្ជូនទៅកាន់មន្ទីរពេទ្យដើម្បីព្យាបាល។ ចំណែកខាងមន្ទីរពេទ្យក៏បានទទួលស្គាល់ដែរថា តារាចម្រៀង Daesung ពិតជាកំពុងសម្រាកព្យាបាលពិតមែន ប៉ុន្តែនឹងត្រូវចេញពីមន្ទីរពេទ្យឆាប់ៗក្រោយទទួលការព្យាបាលរួចនោះ។
ទោះជាយ៉ាងណាក៏ដោយ ខាងមន្ទីរពេទ្យខាងលើមិនបានបញ្ជាក់ប្រាប់ពីមូលហេតុដែលលោកត្រូវសម្រាកក្នុងមន្ទីរពេទ្យនេះទេ ពួកគេគ្រាន់តែប្រាប់ថា វាជាបញ្ហាផ្ទាល់ខ្លួន។
ជាសំណាងល្អដែរ ដែលស្ថានភាពជំងឺរបស់លោកមិនមានលក្ខណៈធ្ងន់ធ្ងរ។ មួយវិញទៀត លោកក៏ជាសមាជិកទី២ហើយនៃក្រុម BIGBANG ដែលត្រូវបានបញ្ជូនទៅមន្ទីរពេទ្យនោះក្នុងពេលថ្មីៗនេះ បន្ទាប់ពីតារាចម្រៀង G-Dragon៕
ចុចអាន៖
ព័ត៌មានខ្លះៗពី ទំនាក់ទំនងស្នេហា Suzy និង Lee Dong WookSabay-news
សុទ្ធតែតារាលំដាប់ពិភពលោកមកថតរូបជាមួយ BTS ក្នុងកម្មវិធីប្រគល់ពាន Billboard ឆ្នាំនេះ