បឹងកេត រំពឹងមិនពិបាកខ្លាំងក្នុងការយក ៣ពិន្ទុពីអគ្គិសនីចុងសប្ដាហ៍នេះ

2018-05-23 07:51:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបបឹងកេត នឹងជួបក្រុមអគ្គិសនីកម្ពុជានៅថ្ងៃសៅរ៍ចុងសប្ដាហ៍នេះថ្ងៃទី២៦ ខែឧសភា ឆ្នាំ២០១៨ ក្នុងការប្រកួតលីគកំពូលកម្ពុជាសប្ដាហ៍ទី៧ នៅទឹកដីរបស់អគ្គិសនីកម្ពុជា។

លោក ហៅ សុជាតិ (ស្ដាំ)

ទាក់ទងការប្រកួតនេះលោក ហៅ សុជាតិ គ្រូបង្វឹកបឹងកេតបានឲ្យដឹងថា លោករំពឹងមិនមានភាពលំបាកខ្លាំងទេក្នុងការប្រជែងយក ៣ ពិន្ទុពីអគ្គិសនីកម្ពុជា។ មូលហេតុដែលលោកគិតដូច្នេះ ដោយសារដៃគូមួយនេះមានភាពធ្លាក់ចុះទម្រង់លេងខ្លាំងខុសប្លែកពីដូចរដូវកាលមុន។ លោកបន្ថែមថា អគ្គិសនីមានកីឡាករកម្ពុជាល្អៗ ប៉ុន្តែនៅពេលប៉ះក្រុមដែលមានកីឡាករបរទេសល្អៗនោះពួកគេ នឹងមានភាពពិបាកទប់ទល់។ បឹងកេតរហូតមកដល់ពេលនេះមិនទាន់ស្គាល់ពាក្យថាចាញ់ក្នុងចំណោម ៦ ប្រកួតកន្លងមកឈ្នះ ៥ និងស្មើ១ មាន ១៦ ពិន្ទុស្ថិតនៅលេខ ២ ស្មើពិន្ទុក្រុមលេខ ១ណាហ្គាវើល។ ចំណែកអគ្គិសនីវិញទើបតែរកបាន ៣ ពិន្ទុក្នុងចំណោម ៦ប្រកួតរបស់ពួកគេ៕