រឿងសម្ងាត់ទាំង៩ ព្រះអង្គម្ចាស់ Harry និង Meghan មិនចង់បង្ហាញឲ្យដឹង
- 2018-05-23 08:25:00
- ចំនួនមតិ 0 | ចំនួនចែករំលែក 0
រឿងសម្ងាត់ទាំង៩ ព្រះអង្គម្ចាស់ Harry និង Meghan មិនចង់បង្ហាញឲ្យដឹង
ចន្លោះមិនឃើញ
ពិធីរៀបអភិសេករបស់ព្រះអង្គម្ចាស់ Harry និងមហេសី Meghan Makle នៅដក់ជាប់ក្នុងចិត្តរបស់មនុស្សជាច្រើនជុំវិញពិភពលោក។ មួយវិញទៀត ដោយសារការគាំទ្រ និងរំភើបពីក្ដីស្នេហ៍ស្មោះស្ម័គ្ររបស់គូស្នេហ៍១នេះបែបនេះហើយ ទើបមហាជនចង់ដឹងរឿងរ៉ាវផ្សេងៗរបស់អ្នកទាំង ២។
ដោយសារអ៊ីនធឺណិតមានភាពរីកចម្រើនខ្លាំង ដូចនេះអាថ៌កំបាំងរបស់ ព្រះអង្គម្ចាស់ Harry និង Meghan មិនទៅណាឆ្ងាយពីការតាមដានរបស់សាធារណជនឡើយ។
រឿងរ៉ាវដែលខំលាក់បាំងទាំង ៩ បង្ហាញជូនប្រិយមិត្តជ្រាបដូចខាងក្រោម៖
១. ការលួចទាក់ទងគ្នាស្ងាត់ៗ
ទោះបីព្រះអង្គម្ចាស់ Harry មានគេស្គាល់ច្រើន ប៉ុន្តែព្រះអង្គនៅតែខំលាក់មុខកុំឲ្យមានអ្នកចំណាំបាន ព្រោះដើម្បីបានជួបម្ចាស់ចិត្ត។ ស្នេហារបស់អ្នកទាំង ២ កើតឡើងដោយសារមិត្តភ័ក្ដិណែនាំឲ្យស្គាល់គ្នា។ ក្រោយមក ពួកគេតែងឆ្លៀតណាត់ជួបគ្នាជាញឹកញាប់ ទោះបីជាត្រូវហោះហើរពីឆ្ងាយ ឬត្រូវចំណាយលុយច្រើនយ៉ាងណាក៏ដោយ។
២. Meghan តែងបង្ហាញតម្រុយជារឿយៗពីទំនាក់ទំនងស្នេហាលើ Instagram
នាងធ្លាប់បង្ហោះរូបចេក ២ផ្លែ ដោយសរសេរថា "Sleep tight xx” ស្របពេលព្រះអង្គម្ចាស់ Harry ចូលចិត្តសោយចេក។ ក្រោយមក Meghan ក៏ធ្លាប់បង្ហោះរូប នាងពាក់ខ្សែដៃរបស់គូស្នេហ៍។ សរុបមកនាងព្យាយាមបង្ហាញជារឿយៗពីចំណងស្នេហ៍ ប៉ុន្តែភ្លាមៗមិនសូវមានអ្នកចាប់អារម្មណ៍។
៣. រឿងរ៉ាវលែងលះរបស់ Meghan
មុនបានជួបជាមួយព្រះអង្គម្ចាស់ Harry នាងធ្លាប់ឆ្លងកាត់ប្រវត្តិលែងលះជាមួយស្វាមីដើមឈ្មោះ Trevor Engelson ក្រោយរស់នៅមិនចុះសម្រុងគ្នា ៣ឆ្នាំ។ ក្រោយមក នាងក៏បានងាកមកផ្ដោតលើការងារសិល្បៈ និងមិនយកចិត្តទុកដាក់នឹងរឿងស្នេហាទៀត រហូតដល់ពេលជួបគូជីវិតបច្ចុប្បន្ន។
៤. តើព្រះអង្គម្ចាស់ Harry សុំ Meghan រៀបការដោយវិធីណា?
មហេសីព្រះអង្គម្ចាស់នៃចក្រភពអង់គ្លេសរូបនេះនិយាយថា វាពិតជារឿងភ្ញាក់ផ្អើលអស្ចារ្យ ព្រោះជាការសុំរៀបការដ៏សែនរ៉ូមែនទិក។ ទ្រង់លុតជង្គង់ ហើយពេលនោះនាងមានអារម្មណ៍ត្រេកអរប្លែក សឹងតែឆ្លើយ "Yes" មុនគូស្នេហ៍និយាយសុំរៀបការចប់ទៀតផង។
៥. Meghan ធ្លាប់ទៅលេងមុខវាំង
នារីម្នាក់នេះ តែងប្រាថ្នាចង់ក្លាយជាព្រះនាងនៃគ្រួសាររាជវង្សតាំងពីក្មេង។ មួយវិញទៀតជារឿយៗ Meghan តែងទៅលេងមុខវាំង។ ពេលនេះអ្វីៗបានស្រាយបញ្ជាក់ថា ក្ដីស្រមៃទាំងប៉ុន្មានរបស់នាងបានសម្រេចជាស្ថាពរ។
៦. រឿងអាម៉ាស់របស់ព្រះអង្គម្ចាស់ Harry
ទ្រង់ធ្លាប់បង្កភាពអាម៉ាស់ដល់គ្រួសាររាជវង្ស ដោយសារមានម្ដងនោះ ព្រះអង្គធ្លាប់ស្លៀកពាក់បែបអ្នកសង្គមនិយម Nazi រហូតមានល្អក់កករជាមួយក្រុមអ្នកប្រមាញ់រូប។
៧. ពេលជួបម្ចាស់ក្សត្រី Elizabeth ជាលើកដំបូង
Meghan បង្ហើបថា៖ "ពេលមានឱកាសជួបជាមួយម្ចាស់ក្សត្រីដំបូង ខ្ញុំឃើញព្រះអង្គម្ចាស់ Harry សម្លឹងមើលសម្ដេចយាយប្រៀបដូច យាយនិងចៅទូទៅដែរ មិនមែនក្នុងន័យគោរពក្នុងនាមជាស្ដេចឡើយ។ មួយវិញទៀតសម្រាប់ពេលដែលខ្ញុំជួបព្រះអង្គ (ម្ចាស់ក្សត្រី Elizabteh) គឺពិតជាសំខាន់ និងមានន័យណាស់។ ខ្ញុំកាន់តែយល់ច្បាស់ពីការគោរព និងចំណាយពេលនៅក្បែរទ្រង់។ ព្រះអង្គពិតជាស្ត្រីអស្ចារ្យពិតៗ”។
៨ កេរ្តិ៍ឈ្មោះក្នុងពិភពហូលីវូដ
Meghan មិនមែនជាតារាហូលីវូដល្បីឈ្មោះពេកទេ ប៉ុន្តែដោយសារនាងទាក់ទងជាមួយព្រអង្គម្ចាស់ Harry ទើបប្រែជាលេចធ្លោតែម្ដង។
៩. លិខិតឆ្លងដែនសញ្ជាតិអាមេរិក
អ្វីដែលជាច្បាប់តឹងតែងបំផុតនោះគឺ កូនចៅរាជវង្សនៃចក្រភពអង់គ្លេសអាចទាក់ទងស្រឡាញ់គ្នាបានតែជនជាតិអង់គ្លេសដូចគ្នាប៉ុណ្ណោះ។ ប៉ុន្តែសម្រាប់ព្រះអង្គម្ចាស់ Harry ទ្រង់បានធ្វើតាមបេះដូង មិនខ្វល់ពីវិន័យអ្វីឡើយ ឲ្យតែបានក្បែរ Meghan ដែលជាជនជាតិអាមេរិក៕