ស្តាយណាស់ Apple ទើបចេញគោលការណ៍ថ្មី ដោយមិនបញ្ចូលប្រទេសកម្ពុជា

2018-05-24 01:58:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Apple ទើបតែបានធ្វើកំណែទម្រង់ទៅលើគោលការណ៍ថ្មី ដើម្បីសម្របច្បាប់ឯកជនភាព ដែលចេញដោយសភាអឺរ៉ុប។

កាលពីថ្ងៃពុធម្សិលមិញនេះ ក្រុមហ៊ុន Apple បានបញ្ចេញគេហទំព័រដាច់ដោយឡែកមួយ ដើម្បីឲ្យអ្នកប្រើប្រាស់អាចកែទិន្នន័យឬក៏លុបគណនីខ្លួនចោលទាំងស្រុងតែម្ដង។

អ្នកអាចចូលទៅក្នុងគេហទំព័រ privacy.apple.com ហើយធ្វើការ Log In ដោយប្រើ Apple ID នឹងអាចកែឫលុបព័ត៌មានរបស់ខ្លួន។ នៅតំបន់អឺរ៉ុប មានប្រទេសមួយចំនួនដែលអាចទាញយកទិន្នន័យរបស់ខ្លួនបាន។ ប៉ុន្តែគួរឲ្យស្ដាយ ប្រទេសជាច្រើនមិនទាន់ប្រើប្រាស់បាននៅឡើយ រួមទាំងប្រទេសកម្ពុជា។

គោលនយោបាយថ្មីនេះគឺជាការឆ្លើយតប ទៅការកំណត់ថ្មីរបស់សហព័ន្ធអឺរ៉ុបដែលគេហៅថា GDPR ដោយតម្រូវឲ្យក្រុមហ៊ុនទាំងអស់ ត្រូវផ្តល់ព័ត៌មានដល់អ្នកប្រើប្រាស់ទិន្នន័យដែលពួកគេប្រមូលបាននិងគោលបំណងក្នុងការប្រើប្រាស់។ ប៉ុន្តែ Apple តែងតែប្រកាន់គោលការណ៍គោរពឯកជនភាព សម្រាប់អតិថិជនរបស់ខ្លួន៕