អតីតគ្រូអេស្ប៉ាញថាគ្មានកីឡាករ Liverpool ណាសក្ដិសមនឹងលេងនៅ Real
- 2018-05-24 02:35:12
- ចំនួនមតិ 0 | ចំនួនចែករំលែក 0
អតីតគ្រូអេស្ប៉ាញថាគ្មានកីឡាករ Liverpool ណាសក្ដិសមនឹងលេងនៅ Real
ចន្លោះមិនឃើញ
លោក Vicente del Bosque បាននិយាយថាឈុតកីឡាករ Liverpool នៅវគ្គផ្ដាច់ព្រ័ត្រ UEFA Champions League គ្មានកីឡាករណាម្នាក់មានសមត្ថភាពអាចលេងនៅ Real Madrid នោះទេ។
ក្រុមយក្សទាំងពីរនៅអឺរ៉ុបនឹងប៉ះគ្នានៅយប់ថ្ងៃសៅរ៍ នៅទីក្រុង Kiev ប្រទេសអ៊ុយក្រែនដើម្បីដណ្ដើមពានរង្វាន់ខណៈ Real គឺជាក្រុមការពារជើងឯក ហើយ Liverpool ទើបឡើងវគ្គផ្ដាច់ព្រ័ត្រលើកដំបូងប៉ុណ្ណោះនៅ១១ឆ្នាំចុងក្រោយ។
និយាយក្នុងកិច្ចសម្ភាសន៍ Bosque អតីតគ្រូបង្វឹកអេស្ប៉ាញយល់ថាសមាសភាពកីឡាករក្នុងក្រុម Liverpool បច្ចុប្បន្នមិនទាន់មានកម្រិតអាចលេងនៅ Real បានឡើយសូម្បីតែម្ចាស់ស្បែកជើងមាស Mohamed Salah ដែលស៊ុតចូល១០គ្រាប់នៅ Champions League។
“គ្មានកីឡាករណាម្នាក់នៅ Liverpool ដែលអាចទៅជួយ Real ឲ្យមានទម្រង់លេងខ្លាំងជាងមុននោះទេ សូម្បីតែ Salah”។ គ្រូបង្វឹកវ័យ ៦៧ឆ្នាំនិយាយដូច្នេះ៕