សាក Nokia 3310 ជាមួយភ្លើងកម្លាំង ១ លានវ៉ុល លទ្ធផលមិនគួរឲ្យជឿ

2018-05-24 02:53:23
ចំនួនមតិ 0 | ចំនួនចែករំលែក 0

ចន្លោះមិនឃើញ

គណនី YouTube មួយឈ្មោះថា Kreosan បានបង្កើតការធ្វើតេស្តមួយដើម្បីចង់ដឹងពីភាពរឹងមាំរបស់ទូរសព្ទ Nokia 3310 ដោយសាកទូរសព្ទជាមួយអគ្គិសនីដែលកម្លាំងដល់ ១ លានវ៉ុលឯណោះ។

ក្រោយទទួលរងនូវកម្លាំងអគ្គិសនីខ្លាំងបែបនេះហើយ Nokia 3310 នៅតែដំណើរការប្រក្រតីមិនមានបញ្ហាអ្វីនោះទេ ទោះបីជាខ្លួនរបស់វាមានភាយចេញនូវចរន្តអគ្គិសនីក្ដី។ ពេលធ្វើការសាកល្បងតេចូល ឃើញថា Nokia 3310 នៅតែអាចទទួលការហៅចូលបាន ខណៈកំពុងទទួលរងកម្លាំងអគ្គិសនី។

ក្រោយពីតេស្តបានយូរបន្តិច Nokia 3310 ក៏រលត់បាត់ទៅ ប៉ុន្តែពេលចុចបើកឡើងវិញ វាក៏ដំណើរការវិញដូចធម្មតា។

បន្ទាប់មកទៀតគេក៏បានសាកល្បងយកស្មាតហ្វូនមួយម៉ូដែលមកធ្វើតេស្ត ដាក់ទន្ទឹមគ្នានឹង Nokia 3310។ ក្រោយធ្វើតេស្តរួចស្មាតហ្វូននោះ មិនអាចដំណើរការបានដូចមុន ដោយសារគ្រឿងក្នុងរងការខូចខាតជាទម្ងន់៕

ប្រភព៖ vnexpress ប្រែសម្រួល៖ សុខហេង