តាមបានដឹងថា សុខ សោម៉ាវត្តី ស្ដាប់បង្គាប់ លី វ៉ាហេទ ខ្លាំងតែម្ដង
- 2018-05-24 02:59:07
- ចំនួនមតិ 0 | ចំនួនចែករំលែក 0
តាមបានដឹងថា សុខ សោម៉ាវត្តី ស្ដាប់បង្គាប់ លី វ៉ាហេទ ខ្លាំងតែម្ដង
ចន្លោះមិនឃើញ
សុខ សោម៉ាវត្តី និងប្រុសសង្ហា លី វ៉ាហេទ មានទំនាក់ទំនងស្អិតល្មួតនឹងគ្នា ប្រមាណ២ឆ្នាំមកហើយ ហើយបើទោះមាត់រឹងនៅតែប្រកែកនឹងសារព័ត៌មាន ប៉ុន្តែមានភស្តុតាងខ្លះៗដែលបង្ហាញថា ខាងស្រីស្ដាប់បង្គាប់ខាងប្រុសណាស់។
សកម្មភាពជាក់ស្ដែងមួយ សុខ សោម៉ាវត្តី បានបង្ហាញឲ្យប្រិយមិត្តឃើញថ្មីៗនេះ គ្រាដែលបានបញ្ចេញអនុស្សាវរីយ៍ផ្អែមល្ហែមជាមួយដៃគូ ពោលគឺអ្នកមេម៉ាយកូន១ បានបង្ហោះរូបនៅមាត់សមុទ្រមួយសន្លឹកជាមួយ វ៉ាហេទ។ វត្តី សរសេរថា "នឹកសមុទ្រខ្លាំងៗ ពេលណាជូនគេទៅទៀត? អ្នកខ្លះ"។
សោម៉ាវត្តី មិនបានបញ្ជាក់(Mention) ថាបុរសរូបណាឡើយនៅក្នុងពាក្យថា "អ្នកខ្លះ"។ យ៉ាងនេះក្ដី ប្រិយមិត្តរបស់នាងជាច្រើនបានចូលមកបញ្ចេញមតិ ក្នុងនោះខ្លះបញ្ចើចបញ្ចើនាងលេងថា "នឹកអ្នកសមុទ្រ ឬនឹកអ្នកខ្លះ?”។ ក្រៅពីនេះ ក៏បញ្ចេញមតិក្នុងន័យលេងសើចដូចគ្នាសំដៅទៅ វ៉ាហេទ ថា "នឹកសមុទ្រ ឬនឹកអ្នកបី(វ៉ាហេទ)!”។
ចំណុចគួរចាប់អារម្មណ៍ និងបង្ហាញថា សុខ សោម៉ាវត្តី ស្ដាប់បង្គាប់ វ៉ាហេទ នោះ គឺថា នាង នឹងមិនធ្វើអ្វីដែលកីឡាករបាល់ទាត់ បានហាមប្រាមឡើយ។ "ចែ...សិចស៊ីពេកខាងប្រុស អត់ឲ្យបង្ហោះទេ!”។ សោម៉ាវត្តី ឆ្លើយតបទៅ ប្រិយមិត្តដែលស្នើសុំមើលរូបរបស់នាង និង វ៉ាហេទ នៅក្នុងទឹក។ ម្ចាស់សំណើបានបន្តថា "ខាងប្រុសនេះ ចេះណាស់ ទុកមើលតែឯង...”។
សុខ សោម៉ាវត្តី និងកីឡាករបាល់ទាត់រូបសង្ហា លី វ៉ាហេទ បានជួប និងស្គាល់គ្នាដំបូងតាមរយៈសម្ដែងរឿងរួមគ្នា "ខូចចិត្តអាជីព" របស់អ្នកនិពន្ធ សៀ រស្មី កាលពីឆ្នាំ ២០១៦។ ពួកគេបានសម្ដែងជាតួឯកប្រុស ស្រី និងជាសង្សារនឹងគ្នាក្នុងរឿង។ ក្រោយចប់រឿងនេះមក ពួកគេទាំងពីរ នៅបានបន្តភាពជិតស្និទ្ធនៅក្រៅរឿងថែមទៀត និងកាន់តែស្អិតល្មួតឡើងៗ។
ជារឿយៗ គេពួកគេពួកធ្វើដំណើរកម្សាន្តលក្ខណៈឯកជនជាមួយគ្នា ក្នុងនោះ មិនត្រឹមតែក្នុងស្រុកទេ គឺរហូតដល់បរទេសទៀត។ ជាក់ស្ដែងកាលពីខែមីនា សោម៉ាវត្តី បានតាមទៅគាំទ្រ វ៉ាហេទ ដល់ប្រទេសសិង្ហបុរីទៀត ក្នុងពេលដែលខាងប្រុស ជាប់កាតព្វកិច្ចជាមួយក្រុមបឹងកេត ប្រកួតជាមួយ Home United របស់សិង្ហបុរី ក្នុងពានរង្វាន់ AFC Cup 2018 ។
យ៉ាងណា មិនជារឿងចម្លែកទេក្នុងសង្គមសិល្បៈ ដែលសិល្បករនិយមប្រកែកពីបញ្ហានានាជុំវិញទំនាក់ទំនងពួកគេ លុះដល់ដំណាក់កាលចុងក្រោយទើបព្រមទទួល។ មិនដឹងថា ដំណាក់កាលចុងក្រោយនៃទំនាក់ទំនង អ្នកមេម៉ាយរូបស្រស់ និងកំលោះសង្ហា ជាកីឡាករបាល់ទាត់ នឹងមានរូបភាពបែបណានោះទេ។ ដូច្នេះមានតែរង់ចាំមើលទាំងអស់គ្នា...!!!!