អតីតតួ "Spider-Man” សារភាពថាស្នាមថើបដំបូងរបស់លោកគឺជាមួយនារី៣០រូប

2018-05-24 03:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Andrew Garfield ដែលយើងបានស្គាល់តាមរយៈការសម្ដែងជាតួមនុស្សពីងពាងកាលពីឆ្នាំ ២០១២ និង ២០១៤ គឺ "The Amazing Spider-Man” និង "The Amazing Spider-Man 2” តាមពិតមានស្នាមថើបដំបូងមិនធម្មតានោះទេ។

កាលពីថ្ងៃអង្គារតារារូបនេះ បានបង្ហាញខ្លួននៅក្នុងកម្មវិធី "The Late Show” របស់ពិធីករ Stephen Colbert ដោយបាននិយាយរឿងរ៉ាវខ្លះៗកាលពីលោកនៅវ័យជំទង់។ Andrew សារភាពថាលោកបានថើបស្រីៗដល់ទៅ ៣០នាក់អ្នកឯណោះនៅក្នុងកម្មវិធីជប់លៀងមួយ។

តារាវ័យ៣៤ឆ្នាំរូបនេះនិយាយថា "ពេលនោះបិសាចអ័រម៉ូនកំពុងតែឈានចូលជីវិតរបស់ខ្ញុំ ពេលខ្ញុំបានចូលរៀននៅសាលាចម្រុះភេទ។ ពួកយើងមិនមានអ្វីកត់សម្គាល់ដើម្បីដោះស្រាយ និងចំណង់ស្នេហាជាមួយសិស្សភេទផ្ទុយគ្នាឬដូចគ្នានោះទេ។ អ្វីដែលយើងដឹងគឺយើងចង់បានវា ហើយវាប្រាកដជាមានចំណង់ជាច្រើន ដែលយើងមិនអាចទប់អារម្មណ៍បាន ដូច្នេះហើយទើបវាធ្វើឲ្យពួកយើងខ្លាចរអាគ្នាទៅវិញទៅមក។"

“បន្ទាប់មកកម្មវិធីជប់លៀងនោះ បានធ្វើឲ្យជីវិតរបស់ខ្ញុំផ្លាស់ប្ដូរជារៀងរហូត។" លោកបន្ត។

ពេលនោះមានសិស្សប្រុសនិងស្រីជាង៥០នាក់ ឈរនៅម្ខាងៗនៃសួនច្បារអីចឹង គ្រាន់តែដល់ពេលកំណត់ ពួកសិស្សទាំងពីរភេទក៏សម្រុកថើបគ្នាតែម្ដង។ ពេលនោះលោក Andrew បានបញ្ជាក់ថាលោកបានថើបស្រីៗដល់ទៅ ៣០នាក់ឯណោះ។