បញ្ជីឈ្មោះតារាស្រីចិនទាំង ១១មានសមត្ថភាពរកចំណូលបានខ្ពស់ដាច់គេ
- 2018-05-25 00:00:00
- ចំនួនមតិ 0 | ចំនួនចែករំលែក 0
បញ្ជីឈ្មោះតារាស្រីចិនទាំង ១១មានសមត្ថភាពរកចំណូលបានខ្ពស់ដាច់គេ
ចន្លោះមិនឃើញ
នៅក្នុងប្រទេសដែលមានប្រជាជនប្រមាណ ១,៣ពាន់លាននាក់ វាមិនមែនជារឿងគួរឲ្យភ្ញាក់ផ្អើលទេដែលចិន សម្បូរទៅដោយតារាដែ លរកចំណូលបានច្រើនជាងគេប្រចាំទ្វីអាស៊ី។
ផ្អែកតាមព័ត៌មានដែលបង្ហោះលើគណនី Weibo ដោយសហព័ន្ធភាពយន្តចិន បានបង្ហាញថា មានតារាស្រី១១រូបដែលរកចំណូលបានច្រើនជាងគេ។ ចំណូលរបស់អ្នកទាំងនេះ អាចមានចំនួនច្រើនជាង ៨០លានយ័ន (ប្រហែល ១២ ៥២៤ ០០០ដុល្លារ) ក្នុង១រឿង។ តារាស្រីចិនទាំង ១១រូបនោះរួមមាន៖
១. Yang Mi
Yang Mi ចូលសិល្បៈតាំងពីឆ្នាំ ១៩៩២ ប៉ុន្តែរហូតដល់ឆ្នាំ ២០១១ នាងមានឈ្មោះល្បីមិនធម្មតា ដោយសាររឿង "Palace”។ បច្ចុប្បន្ន ក្រៅពីតារាសម្ដែង នាងក៏ជាអ្នកផលិតកម្មវិធីទូរទស្សន៍ផ្ទាល់ដែរ។
២. Sun Li
តារាស្រីរូបនេះ បានទទួលងារថាជា "រាជិនីទូរទស្សន៍” ជាហេតុធ្វើឲ្យនាងមានឱកាសរកបានប្រាក់ចំណូលកាន់តែច្រើន។
៣. Fan Bingbing
កំពូលតារាស្រីល្បីឈ្មោះគ្រប់សម័យកាលរូបនេះ ក្រៅពីសម្ដែង ក៏ជាអ្នកដឹកនាំរឿងភាគរបស់នាងផ្ទាល់ដេរ។
៤. Zhang Ziyi
Ziyi តែងស្ថិតលើតារាកំពូលនៃតារាដែលរកចំណូលបានច្រើន។ ក្រៅពីជោគជ័យពីការសម្ដែងភាពយន្តក្នុងប្រទេស នាងក៏ល្បីឈ្មោះកក្រើកក្នុងពិភពហូលីវូដដែរ។
៥. Bai Baihe
ក្រៅពីមមាញឹកក្នុងការសម្ដែងកុនខ្នាតធំ Baihe រវល់ច្រើននឹងរឿងភាគដែរ។ ថ្មីៗនាងបានថតរឿង "Only Side By Side With You” ជាមួយលោក William Chan។
៦. Angelababy
នាងល្បីឈ្មោះតាមរយៈការងារជាតារាម៉ូដែល ពិសេសជាប្រពន្ធរបស់ Huang Xiaoming។ ទោះបីអាជីពសម្ដែងរបស់នាងមិនសូវអំណោយផល ប៉ុន្តែកត្តានេះមិនអាចបញ្ឈប់ Angelababy ការឡើងកូដនោះទេ។
៧. Tang Wei
ចាប់តាំងពីបង្ហាញខ្លួនក្នុងរឿង "Lust, Caution” ប្រជាប្រិយភាពរបស់ Tang Wei រឹតតែងើបឡើង រហូតជាប់ឈ្មោះជាតារាលំដាប់កំពូលក្នុងប្រទេសចិន។
៨. Zhao Liying
បើផ្អែកតាមរបាយការណ៍សហព័ន្ធភាពយន្តចិន បានឲ្យដឹងថា Zhao Liying រកបានជាមធ្យម ៥លានយ័ន (ប្រហែល ៧៨៣ ២៧៧ដុល្លារ) ក្នុង១ថ្ងៃ នៅពេលនាងធ្វើការលើគម្រោងមួយ។
៩. Dilireba
គ្រាន់តែមានមុខសម្ដែងក្នុងរឿង "Eternal Love” រាសីរបស់ Dilireba ហក់ឡើងមិនគួរឲ្យជឿ រីឯលទ្ធភាពរកចំណូលក៏មិនតិចដែរ។
១០. Zheng Shuang
រឿងភាគ "Cry Me a Sad River” ជាខ្សែភាពយន្តល្បីប្រចាំឆ្នាំ ២០១៨ ដែលនាំឲ្យតួក្នុងរឿងអាចរកចំណូលបានច្រើនគួរឲ្យភ្ញាក់ផ្អើល។
១១. Zhou Dongyu
ក្នុងនាមជារាជិនីភាពយន្តប្រចាំតៃវ៉ាន់ Zhou Dongyu ក៏វ៉ាដាច់តារារួមជំនាន់ផ្សេងទៀត ហើយមានឱកាសចាប់យកការងារជាច្រើនដែរ៕