Laptop ៣ ស៊េរី តម្រូវចិត្តអ្នកលេងហ្គេម តម្លៃឡើងកប់ តែសមត្ថភាពក៏កប់ដែរ

2018-05-25 03:01:55
ចំនួនមតិ 0 | ចំនួនចែករំលែក 0

ចន្លោះមិនឃើញ

Laptop ៣ស៊េរីជាជំនាន់ចុងក្រោយរបស់ក្រុមហ៊ុន MSI បានប្រកាសបង្ហាញជាផ្លូវការហើយជាមួយការវិវត្តន៍សមត្ថភាពខ្លាំងជាងស៊េរីមុនៗ។

Gaming Laptop ម៉ូដែលថ្មីដែលធ្វើការដាក់បង្ហាញនេះ ត្រូវបានកែប្រែថ្មីជាមួយ រូបរាង បច្ចេកវិទិទ្យាថ្មី និងល្បឿនដំណើរការខ្លាំងជាងមុន ដើម្បីបំពេញតម្រូវការរបស់អ្នកប្រើប្រាស់ និងផ្ដោតសំខាន់សម្រាប់អ្នក Gaming។

១. GT75 Titan

ជា Gaming Laptop ដែលបំពាក់ CPU Corei9 Coffeelake i9-8950HK+CM246រួមជាមួយ GeForce GTX 1080 8GB GDDR5X ស៊េរីខ្ពស់។ GT75 Titanអាចថាជាប្រភេទ Laptop លំដាប់កំពូលមួយរបស់ក្រុមហ៊ុន MSI។ ជំនាន់ចុងក្រោយនេះ បានបំពាក់នូវក្ដារចុចប្រភេទមេកានិច ភ្ជាប់មកជាមួយភ្លើង RGB យ៉ាងស្រស់ស្អាត បង្កើនល្បឿបានឆាប់រហ័សជាងមុន 25%។ ទំហំអេក្រង់17.3 អ៊ីញ កម្រិតបង្ហាញរូបភា UHD (3840x2160) បំពាក់ដោយបច្ចេកវិទ្យា 4K-ISP-Level Adobe:100% RGBcoler Anti-Glare។ ដែលអនុញ្ញាតឱ្យការលេងហ្គេមនានាលើ Laptop ប្រភេទនេះ កាន់តែអស្ចារ្យជាងប្រភេទ Laptop ដទៃៗ។ GT75 Titan នេះដាក់លក់ក្នុងតម្លៃប្រមាណជា ៤ ៦៩៩ ដុល្លារ ។

២. GS65 Stealth Thin

ជាប្រភេទGaming Laptopមានរាងស្តើងហាប់ Thin Bezel បំពាក់ជាមួយCPU Coffeelake i7-8750H+HM370 រួមជាមួយ GeForce GTX 1060 6GB GDDR5 មានអេក្រង់ទំហំ 15.6 អ៊ីញ កម្រិតបង្ហាញរូបភាព FHD (1920x1080) បំពាក់ដោយបច្ចេកវិទ្យា 144Hz IPS 7ms Narrow Bezel ដែលមានក្ដាចុចបង្ហាញភ្លើងឆ្លាសពណ៌យ៉ាងស្រស់ស្អាត។ ជាប្រភេទ Laptop មានរាងស្ដើងហាប់អេក្រង់ពេញ។ GS65 Stealth Thin នេះដាក់លក់ក្នុងតម្លៃប្រមាណជា ២ ១៩៩ ដុល្លារ ។

៣. GE Raider RGB

ជាប្រភេទ Gaming Laptop ដែលមានភាពស្រស់ស្អាតខុសប្លែកពីស៊េរីមុនៗGE Raider RGB ត្រូវបានបំពាក់មកជាមួយ CPU Coffeelake i7-8750H+HM370 រួមជាមួយ GeForce GTX 1060 6GB GDDR5 មានអេក្រង់ទំហំ 17.3 អ៊ីញ សម្រាប់ GE73 និងទំហំអេក្រង់ 15.6 អ៊ីញ ជាមួយនិងកម្រិតបង្ហាញរូបភាព FHD (1920x1080) បំពាក់ដោយបច្ចេកវិទ្យា 120Hz wideview 94%NTSC color Ant-Gare 3ms។ ដែលមានបំពាក់មកជាមួយភ្លឿង RGB នៅផ្នែកឆ្នូតខាងក្រោយកាន់តែមានភាពស្រស់ស្អាតសម្រាប់ទីងងឹត។ GE73 នេះដាក់លក់ក្នុងតម្លៃប្រមាណជា ២ ០៩៩ ដុល្លារ និងម៉ូដែល GE63 មានតម្លៃប្រមាណជា ១ ៩៩៩ ដុល្លារ ៕

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អត្ថបទ៖ ម៉េងងី