ភ្លេង កន្រ្តាំមីង របស់ល្បុក្កតោ ប្រើពេលបើកកីឡាជាតិ បង្កប់ន័យច្រើន

2018-05-25 04:52:14
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ប្រជាពលរដ្ឋភាគច្រើនអាចនិងមិនដែលបានស្ដាប់បទភ្លេងល្បុក្កតោ កន្រ្តាំមីង ហើយរឹតតែមិនដឹងថាគេប្រគុំនៅពេលណា និងមានអត្ថន័យយ៉ាងណាចំពោះភ្លេងមួយនេះ។ ល្ងាចនេះក្រុមល្បុក្កតោ នឹងលេងភ្លេងខាងលើនេះ ក្នុងពិធីបើកផ្លូវការកីឡាជាតិលើកទី២ នេះតែម្ដង។

លោក អ៊ូ តារា អគ្គលេខាធិការ

លោក អ៊ូ តារា អគ្គលេខាធិការសហព័ន្ធល្បក្កតោ បានឲ្យដឹងថា ក្នុងពិធីបើកកីឡាជាតិលើកទី២នាល្ងាចនេះ ក្រុមល្បក្កតោប្រមាណជា ៦០០នាក់ នឹងត្រូវសម្ដែងឈុតក្បាច់គុននានាបង្ហាញដល់មហាជនទស្សនា។

ការប្រគុំភ្លេងល្បុក្កតោ

ក្នុងការសម្ដែងនេះដែរ ក្រុមល្បក្កតោនឹងត្រូវប្រើភ្លេងពីរប្រភេទ ទី១ គឺ កន្រ្តាំមីង ប្រើសម្រាប់ដង្ហែរក្បួនទ័ពចេញប្រយុទ្ធពីមុន ប៉ុន្តែល្ងាចនេះប្រើសម្រាប់ដង្ហែរក្បួនកីឡាករចូលសម្ដែង។ ភ្លេងនេះស្ដាប់ទៅហាក់អន្លង់អន្លូចបន្តិច វាបង្ហាញ់ថាការចាកចេញទៅវិញ គឺដើម្បីប្រយុទ្ធពាក់លី ដូច្នេះអាចនឹងមានរបួស ឬបាត់បង់ជីវិត។ ទី២ ភ្លេងពិនពាតសដែលលេងជាបទ កន្តែរ៉ែ គឺប្រើសម្រាប់កីឡាករសម្ដែងទ្វាគុន និងសម្ដែងសមប្រយុទ្ធ។

ការសម្ដែងក្បាច់គុនល្បុក្កតោ

រំលឹកដែរថា ពិធីបើកកីឡាជាតិលើកទី២នេះ នឹងធ្វើឡើងល្ងាចថ្ងៃទី២៥ ខែឧសភា ឆ្នាំ២០១៨នេះតែម្ដង ដែលមានការសម្ដែងពីច្រើនភាគីក្នុងនោះមានសិល្បៈចម្រៀង ក្បាច់គុនល្បក្កតោ ក្បាច់គុនតេក្វាន់ដូ និងការរៀបចំទស្សនីយភាពប្លែកៗជាច្រើនទៀតផងដែរ៕

អត្ថបទ៖ នួន ស៊ីណា