"Incredibles 2” នឹងក្លាយជាភាពយន្តតុក្កតារកចំណូលបានច្រើនជាងគេបង្អស់សប្ដាហ៍ដំបូង
- 2018-05-25 07:40:00
- ចំនួនមតិ 0 | ចំនួនចែករំលែក 0
"Incredibles 2” នឹងក្លាយជាភាពយន្តតុក្កតារកចំណូលបានច្រើនជាងគេបង្អស់សប្ដាហ៍ដំបូង
ចន្លោះមិនឃើញ
ភាពយន្តគំនូរជីវចល "Incredibles 2” របស់ផលិតកម្មយក្ស Disney អាចរកចំណូលបានដល់ទៅខ្ទង់ជាង ១៤០លានដុល្លារឯណោះសម្រាប់សប្ដាហ៍ដំបូង នៅសហរដ្ឋអាមេរិក។ ប្រសិនជាចំណូលនេះទទួលបានពិតប្រាកដតាមដែលប៉ាន់ស្មាន ភាពយន្តនេះនឹងដណ្ដើមដំណែង "Finding Dory” ១៣៥លានដុល្លារ ជាភាពយន្តតុក្កតារកចំណូលបានច្រើនជាងគេក្នុងប្រវត្តិសាស្ត្រនៅសប្ដាហ៍ដំបូង។
ភាពយន្តនេះគ្រោងដាក់បញ្ចាំងនៅថ្ងៃទី ១៥ ខែឧសភានេះហើយ បន្ទាប់ពីភាពយន្តវគ្គចាស់ "The Incredibles” វគ្គដំបូងបញ្ចេញកាលពី ១៤ឆ្នាំមុន។
ភាពយន្ត "Incredibles 2” នេះដឹកនាំដោយលោក Brad Bird ដែលជាអ្នកនិពន្ធនិងផលិតភាពយន្តវគ្គដំបូងដូចគ្នា។ ក្រៅពីនេះតារាសម្ដែងCraig T. Nelson, Holly Hunter, Sarah Vowell, Samuel L. Jackson និង John Ratzenberger និងត្រលប់មកបញ្ចូលសំឡេងតួអង្គដើមនីមួយៗវិញ។ ចំពោះតារាសម្រាប់បញ្ចូលសំឡេងតួអង្គថ្មីៗ មានដូចជា Bob Odenkirk, Catherine Keener, Sophia Bush និង Isabella Rossellini។
ទស្សនាវីដេអូ Trailer ខាងក្រោម៖