បើកកីឡាជាតិលើកទី២ ពិតជារំភើបខ្លាំងមានការសម្តែងអស្ចារ្យស្ទើរមិនធ្លាប់ឃើញ
- 2018-05-25 14:43:13
- ចំនួនមតិ 0 | ចំនួនចែករំលែក 0
បើកកីឡាជាតិលើកទី២ ពិតជារំភើបខ្លាំងមានការសម្តែងអស្ចារ្យស្ទើរមិនធ្លាប់ឃើញ
ចន្លោះមិនឃើញ
ការប្រកួតកីឡាជាតិលើកទី២ (The 2nd National Games)បានបើកជាផ្លូវការហើយក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាអាណាចក្រកម្ពុជា និងមន្ត្រីគ្រប់លំដាប់ថ្នាក់ ព្រមទាំងភ្ញៀវអន្តរជាតិ កីឡាករ កីឡាការិនី និងមហាជនយ៉ាងច្រើនកុះករ។
ព្រឹត្តិការណ៍វិសេសវិសាលនេះមានការសម្តែងសិល្បៈដោយការតារាចម្រៀងលោក ព្រាប សុវត្ថិ កញ្ញា មាស សុខសោភា សុន ស្រីពេជ្រ ទៀង មុំសុធាវី និងលោក ជិន វឌ្ឍនាកាជាដើម។ ជាមួយគ្នានេះមានការសម្តែងពិសេសគឺបទចម្រៀង «អច្ឆរិយៈកីឡាជាតិ»ដែលផលិតឡើងដោយ Smart រួមសហការនឹង NOCC ព្រមទាំង Small World Small Band ដែលជាបទគោរពទង់កីឡាជាតិ។
ពិធីជាច្រើនទៀតដូចជា ដង្ហែទង់ជាតិ ទង់កីឡាជាតិ ទង់ចលនាអូឡាំពិកកម្ពុជា។ ការសម្តែងក្បួនដង្ហែកងទ័ពខ្មែរបុរាណ-ល្បុក្កតោ ការសម្តែងចលនាកាយសមស្របដោយគរុសិស្សកីឡា ការសម្តែងចលនាកាយសមស្របដោយក្រុមតេក្វាន់ដូ WTF។ ពិធីដង្ហែក្បួនព្យុហយាត្រាប្រតិភូកីឡា ទស្សនាព្រះរាជពិធីប្រទានភ្លើងកីឡាជាតិជាដើម។
ជាមួយគ្នានេះក៏មានការថ្លែងសុន្ទរកថារបស់ឯកឧត្តមបណ្ឌិត ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា។ ការថ្លែងសុន្ទរកថារបស់ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា។ ជាពិសេសការថ្លែងសុន្ទរកថាបើកការប្រកួតជាផ្លូវការរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
ឆ្នាំ២០១៨នេះរៀបចំឲ្យមានការប្រកួតនៅ រាជធានីភ្នំពេញ ខេត្តកែប កំពត និងខេត្តកំពង់ធំ។ Smart ជាអ្នកឧបត្ថម្ភធំដល់ព្រឹត្តិការណ៍កីឡាជាតិលើកទី២៕