មុន UCL វគ្គផ្ដាច់ព្រ័ត្រ Mane មានអំណោយជូនអ្នកភូមិខ្លួននៅសេណេហ្គាល់
- 2018-05-25 11:41:36
- ចំនួនមតិ 0 | ចំនួនចែករំលែក 0
មុន UCL វគ្គផ្ដាច់ព្រ័ត្រ Mane មានអំណោយជូនអ្នកភូមិខ្លួននៅសេណេហ្គាល់
ចន្លោះមិនឃើញ
ខណៈ Champions League វគ្គផ្ដាច់ព្រ័ត្រកាន់តែខិតជិតមកដល់ ខ្សែស្លាប Sadio Mane បានផ្ញើអាវ Liverpool ចំនួន ៣០០ ជូនអ្នកភូមិខ្លួននៅប្រទេសសេណេហ្គាល់។
កីឡាករបាននិយាយប្រាប់សារព័ត៌មានក្នុងស្រុកអង់គ្លេសមួយថា៖ "ក្នុងភូមិខ្ញុំ មានប្រជាជនចំនួនប្រមាណ ២០០០ នាក់។ ខ្ញុំបានទិញអាវ Liverpool ចំនួន ៣០០អាវ ដើម្បីផ្ញើជូនពួកគេ ដូច្នេះពួកគេអាចពាក់អាវទាំងនោះ ពេលកំពុងទស្សនា Champions League វគ្គផ្ដាច់ព្រ័ត្រ"។
Mane បានគូសបញ្ជាក់ឲ្យដឹងថា នឹងមិនមានអ្នកភូមិខ្លួនណា ធ្វើការនោះទេ ក្នុងថ្ងៃប្រកួត។
កីឡាករសេណេហ្គាល់សង្ឃឹមថានឹងអាចបង្ហាញមេដាយមាស Champions League ទៅកាន់អ្នកភូមិ ពេលខ្លួនត្រលប់ទៅលេងស្រុកនារដូវក្ដៅខាងមុខ។
សូមបញ្ជាក់ផងដែរថា Liverpool នឹងត្រូវប៉ះជាមួយ Real Madrid ក្នុងវគ្គផ្ដាច់ព្រ័ត្រ Champions League នាយប់រំលងអាធ្រាត្រថ្ងៃស្អែកនេះ៕