Bale ស៊ុត២គ្រាប់ជួយ Real Madrid ឈ្នះ Liverpool លើកពាន Champions League ៣ឆ្នាំជាប់គ្នា
- 2018-05-26 20:40:25
- ចំនួនមតិ 0 | ចំនួនចែករំលែក 0
Bale ស៊ុត២គ្រាប់ជួយ Real Madrid ឈ្នះ Liverpool លើកពាន Champions League ៣ឆ្នាំជាប់គ្នា
ចន្លោះមិនឃើញ
ក្រុមស្តេចស Real Madrid បានគ្រងជើងឯកពានរង្វាន់ទ្វីបអឺរ៉ុប UEFA Champions League 2018 លើកទី៣ជាប់គ្នា បន្ទាប់ពីឈ្នះក្រុមហង្សក្រហម Liverpool ដោយលទ្ធផល ៣-១ ក្នុងការប្រកួតវគ្គផ្តាច់ព្រ័ត្រនៅប្រទេសអ៊ុយក្រែន។
ការប្រកួតវគ្គទី១ ចាប់ផ្តើមភ្លាម Liverpool លេងបានយ៉ាងល្អ និងមានឱកាសស៊ុតជាច្រើន ប៉ុន្តែមិនទទួលបានលទ្ធផលទេ។ ចំណែក Real Madrid ក៏មានឱកាសច្រើនដែរ យ៉ាងណាក៏ធ្វើមិនបានសម្រេចដូចគ្នា។ អ្វីដែលសោកស្តាយសម្រាប់ហង្សក្រហមគឺខ្សែបម្រើសំខាន់បំផុត Hohamed Salah ត្រូវដូរចេញនៅនាទីទី៣១ បន្ទាប់ពីប៉ះទង្គិចនឹង Ramos។ បន្តិចក្រោយមក ខ្សែការពារសំខាន់របស់ Real Madrid គឺCarvajal របួសក៏ដូរចេញដែរ។ វគ្គទីបញ្ចប់ដោយលទ្ធផល០-០។
នៅវគ្គទី១ Real Madrid បានព្យាយាមវាយសម្រុក និងទម្លាយសំណាញ់ទីនៅនាទី៥១តាមរយៈការលើកជើងបុកបាល់ដែលអ្នកចាំទី Liverpool បោះឲ្យខ្សែការពារ។ ភាពសប្បាយរីករបស់ស្តេចសមិនបានប៉ុន្មានផងក៏ត្រូវបានបញ្ចប់ដោយខ្សែបម្រើល្បឿនលឿន Sadio Mane នៅនាទីទី៥៥ដើម្បីជួយ Liverpool តាមស្មើ ១-១។
បន្ទាប់មក Real Madrid បានព្យាយាមវាយសម្រុកយ៉ាងខ្លាំងរហូតទម្លុះសំណាញ់ទីរបស់ Liverpool នាំមុខជាលើកទី២ដោយខ្សែបម្រើប្រយុទ្ធ Gareth Bale នៅនាទី៦៤ បន្ទាប់ពីទើបដូរចូលជំនួស Isco នៅនាទី៦១តាមរយៈការស៊ុតបាល់បកក្រោយ។ ក្រោយមក Liverpool បានព្យាយាមវាយបកវិញយ៉ាងខ្លាំង ប៉ុន្តែគ្មានសំណាងបានត្រឹមបុករបាទីប៉ុណ្ណោះ។
អ្វីដែលកាន់តែអស្ចារ្យសម្រាប់ Real Madrid ទៀតនោះ Gareth Bale បានស៊ុតជើងឆ្វេងពីចម្ងាយបានយ៉ាងល្អចូលទីបានសម្រេច បើទោះជាអ្នកចាំទី Karius ទះបាល់ត្រូវ តែនៅតែចូលទីនៅនាទីទី៨៣។ លទ្ធផលនេះរក្សារហូតចប់ការប្រកួត ដូច្នេះ Real Madrid ឈ្នះពាន UEFA Champions League ៣ឆ្នាំជាប់គ្នា បន្ទាប់ពីឈ្នះឆ្នាំ២០១៦ និង២០១៧៕