Klopp ៖១គ្រាប់ Bale សឹងមិនគួរឱ្យជឿ និងជាគ្រាប់បាញ់ទម្លាក់ហង្សក្រហម

2018-05-27 02:12:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jurgen Klopp អបអរដែលក្រុម Real Madrid អាចលើកពានកាលពីយប់មិញនេះបាន ស្របពេលដែលពួកគេសក្ដិសមនឹងទទួលបានពានរង្វាន់ UEFA Champions League នេះ។

និយាយចំពោះរឿងការប្រកួតយប់មិញ លោក Klopp មើលឃើញថាក្រុមរបស់ខ្លួនលេងល្អខ្លាំងនៅ៣០នាទីដំបូង ហើយក្រោយពី Salah របួសទៅ ក្រុមទាំងមូលហាក់មានការប្រែប្រួលខ្លាំង។ Liverpool ដែលធ្លាប់តែលេងដណ្ដើមបាល់លឿនៗ និងវាយបកយ៉ាងមានប្រសិទ្ធភាព បែរជាផ្លាស់ប្ដូរអស់ ការប្រយុទ្ធលែងមុតស្រួចដូចមុន។

ស្របពេលដែលមានកំហុសអ្នកចាំទី២ដង ផងនោះបានធ្វើឱ្យក្រុមទាំងមូលបរាជ័យ ក្រោមថ្វីជើងក្រុមការពារតំណែងជើងតែម្ដង ក្នុងលទ្ធផល ៣-១។ អ្នកចាត់ការសញ្ជាតិអាល្លឺម៉ង់បាននិយាយថែមទៀត ចំពោះគ្រាប់បាល់ជ័យជម្នះរបស់ Bale នៅយប់មិញថា ពិតជាគ្រាប់បាល់សឹងមិនគួរឱ្យជឿ។ ការទាត់បកក្រោយ១គ្រាប់នោះ គ្មាននរណាម្នាក់គិតថាខ្សែប្រយុទ្ធវែលធ្វើបានយ៉ាងល្អដូច្នេះនោះទេ។

លោក Klopp និយាយចំពោះអ្នកចាំទីដែរថា កំហុស២ដងរបស់គេ គឺអ្នកគាំទ្រទាំងអស់បានឃើញហើយថា Loris Karius គ្មានចេតនាឡើយ។ លោកយល់អារម្មណ៍កីឡាកររបស់ខ្លួន ហើយនេះជាបទពិសោធមួយសម្រាប់គេ ទៅថ្ងៃអនាគត៕