ទម្លាយមូលហេតុដែលមេ Twitter អត់មាន Laptop ប្រើ
- 2018-05-27 04:05:00
- ចំនួនមតិ 0 | ចំនួនចែករំលែក 0
ទម្លាយមូលហេតុដែលមេ Twitter អត់មាន Laptop ប្រើ
ចន្លោះមិនឃើញ
ការញៀនទូរស័ព្ទដៃគឺជាអ្វីដែលមនុស្សស្ទើរគ្រប់គ្នានៅសតវត្សទី២១នេះមាន។ Twitter Instagram WhatsApp ឬ Facebook បានក្លាយទៅជាផ្នែកមួយដ៏សំខាន់នៅក្នុងជីវិតប្រចាំថ្ងៃរបស់មនុស្សសម័យថ្មី។ សូម្បី នាយកប្រតិបត្តិក្រុមហ៊ុន Twitter លោក Jack Dorsey ក៏មិនប្រើកុំព្យូទ័រយួរដៃ (laptop) ដែរ។ នេះបើតាម Indy100 ទើបបានចុះផ្សាយ។
មហាសេដ្ឋីវ័យ៤១ឆ្នាំរូបនេះបាននិយាយនៅក្នុងសន្និសីទកាសែតកាលពីថ្ងៃសុក្រនាទីក្រុងស៊ីដនីថា តាមពិតទៅមូលហេតុដែលលោកមិនប្រើ laptop ព្រោះលោកធ្វើការងារទាំងអស់លើទូរស័ព្ទដៃ។ នៅពេលសួរថាតើលោកធ្វើការលើទូរស័ព្ទដៃយ៉ាងម៉េច?
Dorsey ឆ្លើយថា "ទូរស័ព្ទទំនើបៗ ភាគច្រើនសព្វថ្ងៃនេះអាចធ្វើអ្វីដែលកុំព្យូទ័រយួរដៃភាគច្រើនធ្វើមិនបាន ដូច្នេះហេតុអ្វីបានជាអ្នកត្រូវការទាំងពីរ?”។ លោកបន្ថែមថា លោកបានប្រើប្រាស់ App សំលេងដើម្បីឆ្លើយឆ្លងសារជាជាងវាយអក្សរលើ keyboard ដ៏តូច។
មេ Twitter បាននិយាយថា នៅពេលលោកបើកទូរស័ព្ទដៃ លោកអាចផ្តោតទៅលើ App មួយៗដែលនៅចំពោះមុខលោក ដើម្បីធ្វើការឲ្យមានប្រសិទ្ធភាពជាងបើក tap ជាច្រើននៅលើកុំព្យូទ័រក្នុងពេលតែមួយ។
សូម្បីតែការប្រជុំរបស់ក្រុមហ៊ុន Twitter ក៏ជារឿងដ៏គួរឲ្យចាប់អារម្មណ៍ដែរ។ CEO រូបនេះបាននិយាយថា ទូរស័ព្ទ ហើយនិង កុំព្យូទ័រត្រូវតែបិទចោលដើម្បីឲ្យមនុស្សមានពេលវេលាដ៏មានតម្លៃជាមួយគ្នា។
មេបណ្ដាញសង្គមយក្សខាងលើបានបន្ថែមថា នៅពេលដែលយើងបើកទូរស័ព្ទបើកកុំព្យូទ័រ អ្វីៗនឹងមករំខាន។ ដូច្នេះ អ្នកត្រូវប្រាកដថា ចូរទុកពេលវេលាសម្រាប់មនុស្សផ្សេងទៀតនៅក្នុងជីវិតរបស់អ្នក៕