លីគកំពូលកម្ពុជាថ្ងៃនេះ មាន២គូប្រកួតប្រជែងគ្នា

2018-05-27 07:16:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតលីគកំពូលកម្ពុជានាថ្ងៃអាទិត្យនេះ មានការប្រកួត២គូ គឺក្រុមអគ្គស្នងការនគរបាលជាតិ ត្រូវតតាំងជាមួយក្រុមវិសាខា និងក្រុមភ្នំពេញក្រោន ប៉ះអាស៊ីអឺរ៉ុប។

ក្រុមអគ្គស្នងការនគរបាលជាតិនឹងត្រូវលេងជាមួយក្រុមវិសាខា នៅកីឡដ្ឋាន អេអ៊ីយូ វេលាម៉ោង៣រសៀលនេះ។ វាពិតជាប្រកួតសំខាន់សម្រាប់ក្រុមទាំងពីរ ត្បិតអីប៉ូលិសត្រូវការពិន្ទុជាចាំបាច់ និងវិសាខាវិញ ក៏ត្រូវ៣ពិន្ទុដូចគ្នាដើម្បីប្រជែងជាមួយក្រមដទៃនៅតារាងលីគកំពូលកម្ពុជា។

ចំណែកឯខាងក្រុមភ្នំពេញក្រោនវិញ ៣ពិន្ទុពីខាងអាស៊ីអឺរ៉ុបពិតជាសំខាន់ ព្រោះពួកគេត្រូវប្រដេញជាមួយក្រុមដទៃទៀត។ ឆ្លងកាត់៦ប្រកួត ក្រោនមានត្រឹម១០ពិន្ទុ ដោយចាញ់ក្រុមកំពូលតារាងណាហ្គាវើលដល់ទៅ៦ពិន្ទុឯណោះ។ ស្របពេលដែលណាហ្គាឈ្នះម្សិលមិញនទៀត នោះភ្នំពេញក្រោនដែលចាញ់ច្រើនពិន្ទុ ត្រូវការឈ្នះជាចាំបាច់ដើម្បីមានសង្ឃឹមប្រជែងយកពានរង្វាន់នៅរដូវកាលនេះ។

ការប្រកួតរបស់ក្រុមភ្នំពេញក្រោនប៉ះក្រុម អាស៊ីអឺរ៉ុប នឹងត្រូវធ្វើឡើងនៅវេលាម៉ោង៦ល្ងាចនេះ នាកីឡដ្ឋាន RSN ផ្ទាល់តែម្ដង៕

អត្ថបទ៖ មុន្នីរម្យ