ម្ចាស់ YouTube ល្បីខាងហ្គេម មាន Subscriber ជាង ២ លាននាក់ ទទួលមរណភាព
- 2018-05-28 01:59:22
- ចំនួនមតិ 0 | ចំនួនចែករំលែក 0
ម្ចាស់ YouTube ល្បីខាងហ្គេម មាន Subscriber ជាង ២ លាននាក់ ទទួលមរណភាព
ចន្លោះមិនឃើញ
ម្ចាស់ Channel ល្បីឈ្មោះ TotalBiscuit និង Cynical Brit ដែលមានឈ្មោះពិតលោក John Bain បានស្លាប់បាត់បង់ជីវិតក្នុងវ័យ ៣៣ ឆ្នាំ ដោយសារជំងឺមហារីកពោះវៀន។ លោកបានសម្រាកពីការ Review ហ្គេម ចាប់តាំងពីខែមេសា ក្រោយជំងឺផ្តើមចូលបៀតបៀនកាន់តែធ្ងន់ធ្ងរក្នុងជីវិតរបស់លោក។
ដំណឹងមរណភាពបានប្រកាសជាសាធារណៈក្រោយភរិយាអ្នកស្រី Genna បានប្រើប្រាស់គណនីផ្លូវការបង្ហោះក្នុងបណ្តាញសង្គម Twitter ពីការទទួលអនិច្ចកម្មនៃស្វាមីរបស់ខ្លួន។
លោក Bain បានក្លាយជាបុគ្គលលេចធ្លោមួយរូបនៅក្នុងឆ្នាំ ២០១០ តាមរយៈការបង្ហោះវីដេអូហ្គេមនិងការបញ្ចេញសាររិះគន់ទៅក្នុងវិស័យហ្គេមលើ YouTube Channel ដោយបច្ចុប្បន្នមានអ្នក Subscribe ប្រមាណ ២ លាន ២ សែននាក់ និងមានការ Views ច្រើនជាង ៨៥០ លានដង។
ក្នុងសេចក្តីថ្លែងការណ៍មួយបានបញ្ជាក់ថា៖ "ការរិះគន់និងការកម្សាន្តរបស់ John Bain បានជំរុញឲ្យលោកក្លាយជាបុគ្គលមានឈ្មោះបោះសំឡេងមួយរូបក្នុងវិស័យឧស្សាហកម្មហ្គេមមកទល់សព្វថ្ងៃ"។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: