ប៉ូលិសព្រមានចាប់ ឲ្យតែហ៊ានគំរាមសម្លាប់ Karius លើបណ្ដាញសង្គម

2018-05-28 01:58:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ូលិសនៅតំបន់ Merseyside ក្នុងទីក្រុង Liverpool បាននិយាយថា ការគំរាមសម្លាប់អាចនឹងកើតមានឡើងលើអ្នកចាំទី Loris Karius របស់ក្លឹបហង្សក្រហម ក្រោយ Champions League វគ្គផ្ដាច់ព្រ័ត្រចប់។

មន្ត្រីប៉ូលិសក៏បានលើកដែរថា ចំពោះការបញ្ចេញសារគំរាមសម្លាប់ណាមួយមាននៅលើបណ្ដាញសង្គម នោះនឹងមានការស៊ើបអង្កេតចាប់ខ្លួន។ កីឡាករវ័យ២៤ឆ្នាំនិងគ្រួសារជាមុខសញ្ញានៃការគំរាម បន្ទាប់ពីអ្នកចាំទីរូបនេះបង្កកំហុសដល់ទី២ដង ធ្វើឲ្យចាញ់ Real Madrid ៣-១។

ប៉ូលិសបានរំឭកទៅកាន់អ្នកគាំទ្រក៏ដូចជាប្រជាជនទូទៅមិនត្រូវធ្វើការគំរាមទៅកាន់ Karius តាមបណ្ដាញសង្គម ឬប្រព័ន្ធទំនាក់ទំនងណាមួយឡើយ។ បើហ៊ានតែប្រព្រឹត្តិនឹងមានការចាប់ខ្លួន។ ក្រោយបរាជ័យកាលពីចុងសប្ដាហ៍ អ្នកចាំទីសញ្ជាតិអាល្លឺម៉ង់បានលើកដៃសំពះទៅកាន់អ្នកគាំទ្រ Liverpool ចំពោះកំហុសរបស់ខ្លួន៕