មកទស្សនាស្នាដៃ គំនូរសិល្បៈ វិចិត្រករវ័យក្មេងក្នុងផ្សាររាត្រី បាត់ដំបង
- 2018-05-29 04:10:00
- ចំនួនមតិ 0 | ចំនួនចែករំលែក 0
មកទស្សនាស្នាដៃ គំនូរសិល្បៈ វិចិត្រករវ័យក្មេងក្នុងផ្សាររាត្រី បាត់ដំបង
ចន្លោះមិនឃើញ
រូបភាពបង្ហាញពីសិល្បៈវប្បធម៌ និងទំនៀមទំលាប់ ល្បែងកម្សាន្ត និងបុគ្គលមានស្នាដៃ ដូចជាលោក ស៊ីន ស៊ីសាមុត រូបអប្សរា និងរូបភាពបង្កប់អត្ថន័យ ២០ ផ្ទាំងត្រូវបានគូរ ផាត់ពណ៌ ដោយផ្ទាល់ដៃ ដោយ វិចិត្រករ យី កក្កដា នៅក្នុងទីតាំងផ្សាររាត្រីថ្មីមួយក្នុងខេត្តបាត់ដំបង។
ប្រសិនបើប្រិយមិត្តជាអ្នកខេត្តបាត់ដំបង អាចទៅទស្សនារូបភាព វិចិត្រសាសរបស់យុវជនសិល្បករពហុជំនាញ យី កក្កដា បានដោយធ្វើដំណើរទៅកាន់ផ្លូវសួនច្បារនាគបាញ់ទឹក និងសួនច្បារនាគសន្តិភាព ក្នុងក្រុងបាត់ដំបង។ ដោយរូបភាពទាំងនោះ ត្រូវបានផ្ចិតផ្ចង់គូរឡើងដោយ វិចិត្រករ យី កក្កដា ដោយផ្ទាល់ អស់រយៈ១ ខែ និងចំណាយផ្ទាល់ខ្លួន លើថ្នាំលាប ដែលឧបត្ថម្ភដោយថ្នាំលាប Kansai ពី Paint Channel Cambodia-PCC និងឧបករណ៍គូររូប ពិសេសការហូបចុកស្នាក់នៅ រយៈពេល ១ខែ។ នេះបើតាមការបញ្ជាក់របស់ យុវជនរូបនេះ។
កោតសរសើរ វិចិត្រករ យី កក្កដា ដែលយកពេលវេលា និងថវិកាផ្ទាល់ខ្លួនជាច្រើនដើម្បីបង្ហាញស្នាដៃគំនូរល្អឯកសម្រាប់ទឹកដីខេត្តបាត់ដំបង ដើម្បីបង្កើនសោភ័ណភាពផ្សារ និងទីក្រុង។ ម្យ៉ាងវិញទៀត ប្រសិនចង់ដឹងថា រូបភាពសិល្បៈទំាងនោះមានលក្ខណៈបែបណា ប្រិយមិត្តគួរតែទៅទស្សនា និងថតរូបភាពផ្ទាល់ ក្នុងផ្សាររាត្រីបាត់ដំបងថ្មីមួយនេះ ដែលនឹងបើកដំណើរការនៅខែក្រោយ៕
តោះ ទៅទស្សនាស្នាដៃគំនូររបស់ វិចិត្រករ យី កក្កដា ខាងក្រោមនេះទាំងអស់គ្នា៖