អតីតកីឡាករ Barca ម្នាក់ ចង់ឃើញ Kroos លេងឲ្យ PSG
- 2018-05-30 11:06:03
- ចំនួនមតិ 0 | ចំនួនចែករំលែក 0
អតីតកីឡាករ Barca ម្នាក់ ចង់ឃើញ Kroos លេងឲ្យ PSG
ចន្លោះមិនឃើញ
អតីតខ្សែបម្រើ Thiago Motta ក្នុងថ្ងៃនេះ បាននិយាយថា ខ្លួនចង់ឃើញ Toni Kroos លេងនៅ PSG។
Mottaដែលទើបប្រកាសចូលនិវត្តន៍កាលពីដើមខែនេះ បានបង្ហាញពីការស្ងើចសរសើររបស់ខ្លួនចំពោះខ្សែបម្រើ Kroos ដែលមានសមត្ថភាពលេងបានច្រើនកន្លែងក្នុងឋានៈជាខ្សែបម្រើ។ ការណ៍នេះ ធ្វើឲ្យកីឡាករអាល្លឺម៉ង់ ជាប្រភេទកីឡាករដែលក្លឹប PSG ត្រូវការ។
Thiago Motta បាននិយាយ៖ "បើតាមគំនិតខ្ញុំ ខ្ញុំចង់ឃើញ Kroos លេងឲ្យ PSG ក្នុងតួនាទីខ្សែបម្រើដែលលេងឡើងប្រយុទ្ធ។ គេគឺជាកីឡាករដែល ខ្ញុំកោតសរសើរជាយូរណាស់មកហើយ ។ គេអាចលេងទាំងបីកន្លែង (ការពារ បម្រើ ប្រយុទ្ធ) ក្នុងឋានៈជាកីឡាករបម្រើ"។
សូមបញ្ជាក់ផងដែរ Motta ធ្លាប់លេងឲ្យក្លឹបធំៗមួយចំនួនដូចជា Barcelona, Inter Milan និង PSG។ កីឡាករទើបប្រកាសចូលនិវត្តន៍ពីបាល់ទាត់អាជីពកាលពីដើមខែឧសភា ហើយនឹងក្លាយជាអ្នកចាត់ការឈុតយុវជនក្រោម ១៩ឆ្នាំរបស់ក្លឹប PSG។
ដោយឡែក តាំងពីផ្ទេរពី Bayern Munich មក Real Madrid កាលពីឆ្នាំ ២០១៤ មក Kroos បានបង្ហាញទម្រង់លេងបានល្អ។ បច្ចុប្បន្នខ្សែបម្រើអាល្លឺម៉ង់ត្រូវបានមជ្ឈដ្ឋានបាល់ទាត់ជាច្រើនចាត់ទុកថាស្ថិតក្នុងចំណោមខ្សែបម្រើល្អបំផុតក្នុងលោក៕