ច្បាស់ការ! ក្លឹប La Nucia របស់អេស្ប៉ាញ ចង់បាន ពលរដ្ឋ និង កក្កដា ២ឆ្នាំ លក្ខខណ្ឌល្អហួស
- 2018-05-31 01:43:17
- ចំនួនមតិ 0 | ចំនួនចែករំលែក 0
ច្បាស់ការ! ក្លឹប La Nucia របស់អេស្ប៉ាញ ចង់បាន ពលរដ្ឋ និង កក្កដា ២ឆ្នាំ លក្ខខណ្ឌល្អហួស
ចន្លោះមិនឃើញ
ក្លឹប La Nucia របស់អេស្ប៉ាញ បានអញ្ជើញកីឡាករកម្ពុជា២នាក់ គឺ ច្រឹង ពលរដ្ឋ និងសិន កក្កដា ឱ្យចូលរួមជាមួយកម្មវិធី Training Camp របស់ពួកគេរយៈពេល២ឆ្នាំឯណោះ។
ក្នុងក្រដាសអញ្ជើញនោះដែរ ខាងក្លឹបដែលលេងនៅលីគលំដាប់ទី៤អេស្ប៉ាញមួយនេះ បានបញ្ជាក់យ៉ាងច្បាស់ថាពួកគេអញ្ជើញកីឡាករកម្ពុជាទៅ ចូលរួមកម្មវិធីខាងលើដើម្បីអភិវឌ្ឍសមត្ថភាពបន្ថែម។ កម្មវិធីចាប់ផ្ដើមពីខែមិថុនាឆ្នាំ២០១៨នេះ រហូតដល់ខែមិថុនាឆ្នាំ២០២០ឯណោះ។ ការហាត់រៀនពីបាល់ទាត់នៅតំបន់អឺរ៉ុបនេះ នឹងធ្វើឡើង៥ថ្ងៃ ក្នុងមួយសប្ដាហ៍។ ជារៀងរាល់ចុងសប្ដាហ៍ ក៏មានការប្រកួតមិត្តភាព ដែលក្រុមគ្រូបង្វឹកចូលរួមបង្ហាត់បង្ហាញបន្ថែមផងដែរ។
មិនត្រឹមតែហាត់បាល់នេះទេ ក្លឹបខាងលើក៏នឹងមានវគ្គបង្រៀនភាសាអង់គ្លេស និងអេស្ប៉ាញដល់កីឡាករកម្ពុជាដែរ ក្នុងន័យថាឱ្យពួកគេចេះភាសានេះ ងាយស្រួលថ្ងៃអនាគត បើអាចជាប់ឈ្មោះលេងនៅក្លឹបក្នុងប្រទេសនេះគឺកាន់តែល្អ។ ទាក់ទិនទៅនឹងការចេញទៅនោះដែរ ក្រុមការងាររបស់ក្លឹប La Nucia ក៏ជាអ្នករៀបចំឯកសារដើម្បីស្នើសុំលិខិត VISA ដល់កីឡាករកម្ពុជាថែមទៀត។
ចំពោះសាមីខ្លួនកីឡាករកម្ពុជាវិញ ត្រូវបានគេដឹងថាបានយល់ព្រមអស់ហើយ នៅឡើយតែចាំទទួល VISA ហើយចេញទៅប៉ុណ្ណោះ ព្រោះនេះជាឱកាសកម្រមានណាស់សម្រាប់កីឡាករកម្ពុជា៕