ប្រទេសអាស៊ានមួយ នឹងមានជើងហោះហើរ វែងបំផុតលើលោក "ហោះជិត២០ម៉ោងអត់ឈប់"

2018-05-31 02:31:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពីសិង្ហបុរី ទៅ រដ្ឋ New York សហរដ្ឋអាមេរិក អត់ឈប់ ប្រើពេលជិត ២០ម៉ោងនៅលើអាកាស

ក្រុមហ៊ុនអាកាសចរណ៍សិង្ហបុរី Singapore Airlines នឹងចាប់ផ្ដើមជើងហោះហើររយៈពេល ២០ម៉ោងអត់ឈប់ ជាមួយនឹងយន្តហោះថ្មី ប្រភេទ Airbus A350-900ULR សម្រាប់ការហោះហើរវែងបំផុត (Ultra Long-Range) ដែលនឹងបំបែកកំណត់ត្រាពិភពលោក។

យន្តហោះប្រភេទ Airbus A350-900ULR

គួររំលឹកថា ក្រុមហ៊ុនអាកាសចរណ៍ខាងលើធ្លាប់បានប្រើ យន្តហោះម៉ាស៊ីន៤ ប្រភេទ A340-500 នៅលើជើងហោះហើរចម្ងាយជាង ១៥ ០០០គីឡូម៉ែត្រ ដោយមានកៅអី Business-Class តែ ១០០ ប៉ុណ្ណោះ។ សេវានេះបានបង្ហាញថាគ្មានប្រសិទ្ធភាព ហើយក្រុមហ៊ុន Singapore Airlines ក៏បានលុបវាចោលនៅឆ្នាំ២០១៣។

យ៉ាងណាមិញ ជើងហោះហើរថ្មីនេះនឹងដំណើរការជាលើកដំបូង ចំនួន៣ដងក្នុងមួយសប្តាហ៍ ដោយមានប្រតិបត្តិការប្រចាំថ្ងៃ ដែលចាប់ផ្ដើមពីថ្ងៃទី១៨ ខែតុលា ឆ្នាំ២០១៨។ ជើងហោះហើរដែលអាចផ្ទុកអ្នកដំណើរចំនួន ១៦១នាក់ ទៅកាន់ព្រលានយន្តហោះ Newark Liberty តាមរយៈយន្តហោះប្រភេទ Airbus A350-900ULR ខាងលើ នឹងធ្វើដំណើរក្នុងចម្ងាយផ្លូវ ១៥៣២៩ គីឡូម៉ែត្រ ដោយប្រើប្រាស់ពេលវេលាសរុប ១៨ម៉ោង និង ៤៥នាទី៕

ប្រភព៖ CNN | Channelnewsasia ប្រែសម្រួល៖ សេង ឡុង