Neymar ដាក់មួយម៉ាត់ពេលអ្នកសារព័ត៌មានចូលចិត្តសួរឪពុកពីអនាគតខ្លួន
- 2018-05-31 08:08:09
- ចំនួនមតិ 0 | ចំនួនចែករំលែក 0
Neymar ដាក់មួយម៉ាត់ពេលអ្នកសារព័ត៌មានចូលចិត្តសួរឪពុកពីអនាគតខ្លួន
ចន្លោះមិនឃើញ
ព័ត៌មានពីការផ្ទេររបស់ Neymar ទៅ Real Madrid កាន់តែក្ដៅគគុកទៅៗនៅមួយរយៈចុងក្រោយនេះបើទោះជាសាមីខ្លួនកំពុងជាប់កាតព្វកិច្ចជាមួយក្រុមជម្រើសជាតិក៏ដោយ។
ខ្សែប្រយុទ្ធសញ្ជាតិប្រេស៊ីលបានចូលរួមជាមួយ Paris Saint-Germain បានមួយរដូវកាលប៉ុណ្ណោះក្រោយចាកចេញពី Barcelona ក្នុងតម្លៃផ្ទេរ ២២២លានអឺរ៉ូ ស្រាប់តែលេចឭដំណឹងថា Real Madrid អាចជាគោលដៅបន្ទាប់របស់គេ។
ពាក់ព័ន្ធនឹងចចាមអារ៉ាមទាំងនេះមានការធានាពីឪពុករបស់ Neymar ថាគ្មានការចាកចេញរបស់កូនប្រុសលោកទៅកាន់ទឹកដី Santiago Bernabeu ឡើយប៉ុន្តែសាមីខ្លួនបានប្រតិកម្មចំពោះការចោទសួររបស់អ្នកសារព័ត៌មាន។
តារាឆ្នើមវ័យ២៦ឆ្នាំបាននិយាយថា៖ "ឪពុកខ្ញុំមិនអាចសម្រេចចិត្តជំនួសលើអាជីពរបស់ខ្ញុំបានឡើយ គឺមានតែខ្ញុំប៉ុណ្ណោះជាអ្នកសម្រេចចិត្ត។ គាត់ជាអ្នកប្រឹក្សាដ៏ល្អ ប៉ុន្តែទីបញ្ចប់គឺខ្ញុំដដែលទេជាអ្នកជ្រើសរើសថាត្រូវសម្រេចចិត្តយ៉ាងណា"៕