៤ សន្លឹកស្អាតៗអំពី Ronaldo បណ្ដើរមិត្តស្រីដើរលេងល្ងាច មុនមកជួយជម្រើសជាតិ
- 2018-05-31 13:33:33
- ចំនួនមតិ 0 | ចំនួនចែករំលែក 0
៤ សន្លឹកស្អាតៗអំពី Ronaldo បណ្ដើរមិត្តស្រីដើរលេងល្ងាច មុនមកជួយជម្រើសជាតិ
ចន្លោះមិនឃើញ
បន្ទាប់ពីបានឈ្នះ Champions League កាលពីសប្ដាហ៍មុន ខ្សែប្រយុទ្ធ Cristiano Ronaldo បានធ្វើការសម្រាកលំហែកាយមុនត្រៀមជួយក្រុមជម្រើសជាតិព័រទុយហ្គាល់ក្នុង World Cup នាខែក្រោយ។ ក្នុងអំឡុងពេលមួយសប្ដាហ៍ចុងក្រោយនេះ កីឡាករមិនបានបង្ហាញក្នុងបណ្ដាញសង្គមជាសាធារណៈថា ខ្លួនបានចំណាយពេលលំហែនៅទីណាខ្លះនោះទេ ប៉ុន្តែបើតាមការចុះផ្សាយរបស់ The Sun ក្នុងថ្ងៃនេះ ខ្សែប្រយុទ្ធបានចំណាយពេលដើរលេងល្ងាចជាមួយមិត្តស្រីនៅក្រុង Malaga ប្រទេសអេស្ប៉ាញ។
The Sun រាយការណ៍ថា Ronaldo និងមិត្តស្រី Georgina Rodriguez ត្រូវបានប្រទះឃើញនៅទីក្រុង Malaga កាលពីយប់ម្សិលមិញ។ បើតាមប្រភពដដែល អ្នកទាំងពីរបានបណ្ដើរគ្នាដើរលេងនិង បានស្រស់ស្រូបអាហារពេលល្ងាចនៅទីក្រុងនោះ។
ក្នុងរូបថតទាំង ៤ ខាងក្រោម Ronaldo និងមិត្តស្រី ស្លៀកឈុតបែបសាមញ្ញ។ កីឡាករបានស្លៀកអាវពណ៌ស្វាយស្រាល និងខោខោវប៊យពណ៌ទឹកប៊ិច។ ឯមិត្តស្រីស្លៀករ៉ូបពណ៌ផ្ទៃមេឃ។
Ronaldo បានអវត្តមានក្នុងប្រកួតរវាងព័រទុយហ្គាល់ និងទុយណេស៊ី ដែលបានបញ្ចប់ក្នុងលទ្ធផលស្មើ ២ ទល់នឹង ២។ ខ្សែប្រយុទ្ធព័រទុយហ្គាល់ ត្រូវបានរំពឹងទុកថា នឹងចូលរួមហ្វឹកហាត់ជាមួយក្រុមជម្រើសជាតិក្នុងរយៈពេលដ៏ខ្លីខាងមុខ។
ព័រទុយហ្គាល់នឹងត្រូវប៉ះបែលហ្សិកនៅថ្ងៃទី ២ មិថុនាខាងមុខ មុនត្រូវប្រកួតកម្ដៅសាច់ដុំជាមួយអាល់ហ្សេរី ៤ ថ្ងៃបន្ទាប់។
ក្នុង World Cup ជម្រើសជាតិមួយនេះនឹងត្រូវប្រកួតប៉ះអេស្ប៉ាញនៅថ្ងៃទី ២៥ មិថុនា មុនត្រូវលេងជាមួយម៉ារ៉ុក និងអ៊ីរ៉ង់៕