ប្រទះឃើញទិដ្ឋភាពកម្រ Taylor Swift និងសង្សារ Joe Alwyn ដើរលេងនៅអង់គ្លេស

2018-06-01 04:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Taylor Swift មិនទុកពេលវេលាទំនេរអត់ប្រយោជន៍នោះទេ ដោយបានដើរកម្សាន្តជាមួយសង្សារ Joe Alwyn នៅចក្រភពអង់គ្លេសយ៉ាងសប្បាយរីករាយ។

កាលពីថ្ងៃពុធសប្ដាហ៍នេះ Taylor ត្រូវបានសង្សារនាំទៅញ៉ាំអាហារថ្ងៃត្រង់នៅ កន្លែងញ៉ាំអាហារនិងស្រាមួយនៅភាគខាងជើងនៃទីក្រុងឡុង។ ទោះជាយ៉ាងណាក៏ដោយ អ្នកទាំងពីរនៅតែខិតខំបិទបាំងខ្លាំងណាស់ ពីសំណាក់ជនខាងក្រៅជាពិសេសគឺបណ្ដាអ្នកកាសែត។

ទោះជាយ៉ាងណាក៏ដោយ ពួកគេត្រូវបានគេដឹងថាចាប់ផ្ដើមទាក់ទងគ្នាកាលពីខែ ឧសភាឆ្នាំមុន ហើយក៏ត្រូវគេចាប់អារម្មណ៍ខ្លាំងចាប់តាំងពីពេលនោះមក។

អ្នកទាំងពីរមើលទៅគឺស្លៀកសម្លៀកបំពាក់សាមញ្ញៗធម្មតា ចំណែកឯភោជនីយដ្ឋានដែលពួកគេចូលញ៉ាំអាហារក៏មិនថ្លៃប៉ុន្មាននោះទេ អ្នកទាំងពីរត្រូវចំណាយតែខ្ទង់ ២០ដុល្លារម្នាក់តែប៉ុណ្ណោះ។

តោះ! អីចឹងមកមើលទិដ្ឋភាពដែលគេថតបានទាំងអស់គ្នា៖