Premier League បង្ហាញបាល់ថ្មីសម្រាប់រដូវកាលក្រោយ មានលក្ខណៈពិសេសមួយចំនួន
- 2018-06-01 07:25:03
- ចំនួនមតិ 0 | ចំនួនចែករំលែក 0
Premier League បង្ហាញបាល់ថ្មីសម្រាប់រដូវកាលក្រោយ មានលក្ខណៈពិសេសមួយចំនួន
ចន្លោះមិនឃើញ
ក្របខណ្ឌកំពូលអង់គ្លេស Premier League បានបង្ហាញបាល់ថ្មី សម្រាប់ប្រកួតនៅរដូវកាល២០១៨-១៩។
បាល់នេះមានឈ្មោះថា "The Merlin” ហើយវាគឺជាបាល់របស់ក្រុមហ៊ុន Nike រដូវកាលទី១៨ ដែល ដាក់លេងជាផ្លូវការក្នុង Premier League។ បាល់នេះនឹងដាក់ឲ្យលេងជាលើកដំបូង ពេលរដូវកាលថ្មីចាប់ផ្ដើមនៅថ្ងៃទី ១១ ខែ សីហា ឆ្នាំ ២០១៨ខាងមុខ។
ផ្អែកតាមវិបសាយរបស់ Premier League បញ្ជាក់ថា បាល់ច្នៃរូបរាងថ្មីនេះ មានគុណសម្បត្តិជាច្រើន ដោយបាល់ទាត់ទូទៅផលិតឡើងមានសម្បកបាល់៣២បន្ទះ តែ "The Merlin” គឺជាបាល់ដំបូងដែលមានសម្បកតែ៤បន្ទះប៉ុណ្ណោះ។ បន្ទះតិច មានន័យថា ថ្នេរដេរក៏តិចដូចគ្នា ធ្វើបាល់កាន់តែទន់កីឡាករងាយស្រួលទប់ ប៉ះឲ្យដៃគូនិងស៊ុតសំដៅទី។
បាល់នេះមានពណ៌ចម្រុះចូលគ្នាច្រើនដូចជា ស ខ្មៅ ស្វាយ ខៀវនិងលឿង ជួយឲ្យកីឡាករស្រួលមើលបាល់នោះវិលទៅណា ពេលវាធ្លាក់ចុះ និងលឿនដែលវារត់៕