គន្លឹះពិសេស៤យ៉ាង ធើ្វឱ្យកុមារតូច ក្លាយជាកំពូលអ្នកអានសៀវភៅ
- 2018-06-01 07:48:20
- ចំនួនមតិ 0 | ចំនួនចែករំលែក 0
គន្លឹះពិសេស៤យ៉ាង ធើ្វឱ្យកុមារតូច ក្លាយជាកំពូលអ្នកអានសៀវភៅ
ចន្លោះមិនឃើញ
ធ្លាប់ដឹងពីមុនមកហើយថា ការអានគឺមានអត្ថប្រយោជន៍ណាស់ដល់យើងគ្រប់គ្នា ក្នុងការបង្កើន ចំណេះដឹង ទូទៅ ការសរសេរ ការសន្ទនា និងជំនាញផ្សេងៗទៀត។ ដោយសារតែយល់ឃើញពីសារ:សំខាន់នៃការអាន ទើប មាតាបិតាមួយចំនួន បានខិតខំជំរុញឱ្យបុត្រធីតា ចាប់ផ្ដើមមានទម្លាប់អានសៀវភៅតាំងពីក្មេង។ តាមពិតទៅ ការបណ្ដុះទម្លាប់ដ៏ល្អនេះ មិនមែនជាការលំបាកនោះទេ។ អ្នកជំនាញបានរកឃើញថា ការចាប់ផ្តើមអានជាមួយកុមារជួយពួកគេឱ្យឆាប់ចេះនិយាយ បង្កើតទំនាក់ទំនងល្អជាមួយឪពុកម្ដាយ និង ជួយឲ្យកុមារមានអារម្មណ៍ជិតស្និទ្ធជាមួយមនុស្សនៅជុំវិញខ្លួន។ សំខាន់ជាងនេះទៅទៀត កុមារដែលចាប់ផ្ដើមអានតាំងពីនៅវ័យក្មេង មានការស្វែងយល់អំពីពិភពលោកនៅជុំវិញខ្លួនបានឆាប់រហ័ស ប្រកបដោយភាពឆ្លាតវៃ។
ខាងក្រោមនេះ គឺជាគន្លឹះពិសេសមួយចំនួនដើម្បីជំរុញកុមារឱ្យចូលចិត្តអានសៀវភៅ៖
គន្លឹះទី១៖ អានឮៗជារៀងរាល់ថ្ងៃ។ ការអានឮៗជួយឱ្យកុមារយល់ពីរបៀបអាន និងយល់ថាពាក្យនីមួយៗសុទ្ធតែមានអត្ថន័យ។
គន្លឹះទី២៖ សួរសំណួរទៅកុមារ។ សាកសួរសំណួរអំពីគំនិត និង អ្វីដែលកុមារចាប់យកបានពីការអាន។ ការសួរសំណួរនេះជួយឱ្យកុមារស្វែងយល់ពីទំនាក់ទំនងរវាងអ្វីដែលគេកំពុងអានទៅនឹងជីវិតប្រចាំថ្ងៃ។ គន្លឹះទី៣៖ និយាយអំពីសៀវភៅក្នុងការសន្ទនា។ ការសន្ទនានេះបង្កើតជាបទពិសោធន៍វិជ្ជមាន និងជំរុញឱ្យកុមារយល់ពីសារសំខាន់នៃការអានសៀវភៅ។
គន្លឹះទី៤៖ សរសេរឱ្យបានច្រើន។ បង្ហាញកុមារឱ្យដឹងថាការអាន និងការសរសេរមានទំនាក់ទំនងគ្នា ដោយឱ្យពួកគេបានឃើញលោកអ្នកសរសេរជាញឹកញាប់ មិនថាការសរសេរកំណត់ហេតុ សំបុត្រ ឬអ៊ីមែលក្តី។
ចំណាយពេលអានជាមួយបុត្រធីតាលោកអ្នកថ្ងៃនេះ ដើម្បីជម្រុញឱ្យពូកគេចូលចិត្តអានសៀវភៅ។ កុមារតូច អាចអានសៀវភៅបែបអប់រំសប្បាយៗដោយឥតគិតថ្លៃក្នុងគេហទំព័រ៖ "www.letsreadasia.org” ឬ ទាញយកកម្មវិធីទូរសព្ទ Let’s Read! ពីក្នុង Google Play Store។ តោះអាន! ជាបណ្ណាល័យឌីជីថលកុមារដែលមានសៀវភៅជាច្រើន ដែលសាធារណៈជនអាចអានបានដោយឥតគិតថ្លៃ។ តោះអាន! ជាគម្រោងរបស់អង្គការមូលនិធិអាស៊ី ដែលទទួលបានការឧបត្ថម្ភពីក្រុមហ៊ុន Smart Axiata៕