លោក លន់ សាមឌី អគ្គលេខាធិការសហព័ន្ធបើកការប្រកួត LOL ព្រឹកនេះ

2018-06-02 03:01:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹកនេះ លោក លន់ សាមឌី អគ្គលេខាធិការនៃសហព័ន្ធកីឡាអេឡិចត្រូនិកកម្ពុជាបានអញ្ជើញបើកការប្រកួតកីឡាអេឡិចត្រូនិកលើវិញ្ញាសា League of Legends នៅសណ្ឋាគារបារីសដើម្បីជ្រើសរើសក្រុមខ្លាំងតំណាងកម្ពុជាចេញទៅប្រកួតនៅប្រទេសសិង្ហបុរី។

លោក លន់ សាមឌី មានប្រសាសន៍ចំពោះមុខកីឡាករ

លោក លន់ សាមឌី មានប្រសាសន៍ថា នេះជាលើកទី១ហើយដែលសហព័ន្ធកីឡាអេឡិចត្រូនិកកម្ពុជាបានរៀបចំការប្រកួតវិញ្ញាសា League of Legends ជាផ្លូវការ។ កន្លងមកសហព័ន្ធធ្លាប់តែរៀបចំការប្រកួតវិញ្ញាសាផ្សេងៗ ប៉ុន្តែនៅពេលបានរៀបចំការប្រកួត League of Legends ហើយជាវិញ្ញាសាដ៏សំខាន់នៅលើពិភពលោកដែលមាននៅក្នុងព្រឹត្តិការណ៍កីឡាទ្វីបអាស៊ីឆ្នាំ២០១៨នេះដែលប្រទេសឥណ្ឌូណេស៊ី។

លោកអគ្គលេខាធិការបានបន្តថា សហព័ន្ធកីឡាអេឡិចត្រូនិកកម្ពុជាត្រូវបានទទួលស្គាល់ដោយគណៈកម្មាធិការជាតិអូឡាំពិកកម្ពុជាដែលជាស្ថាប័នកីឡាកំពូលនៅប្រទេសកម្ពុជា ដូច្នេះសហព័ន្ធ E-Sport កម្ពុជាគឺជាស្ថាប័នតែមួយគត់នៅប្រទេសកម្ពុជាដែលគ្រប់គ្រង និងរៀបចំការប្រកួតកីឡា E-Sport នានានៅក្នុងប្រទេសកម្ពុជា។

E-Sports កម្ពុជាទៅប្រកួតជម្រុះនៅវៀតណាមដើម្បីរកកៅអី Asian Games

លោកបានអរគុណដល់ប្អូនៗជាកីឡាករដែលបានចុះឈ្មោះចូលរួមការប្រកួតនេះ និងផ្តាំផ្ញើឲ្យប្អូនៗត្រូវប្រកួតដោយស្មារតីទទួលខុសត្រូវ ប្រឹងប្រែងអស់ពីកម្លាំងកាយចិត្តប្រកបដោយគោលការណ៍ និងបទបញ្ជាកីឡាអន្តរជាតិ។ លោកថា ព្រឹត្តិការណ៍ប្រកួត League of Legends នេះពិតជាសំខាន់ណាស់សម្រាប់កម្ពុជា ក៏ដូចជាប្រទេសនៅតំបន់អាស៊ាន។ ព្រឹត្តិការណ៍នេះរៀបចំដោយក្រសួងវប្បធម៌ សហគមន៍ និងកីឡារបស់ប្រទេសសិង្ហបុរី និងបានអញ្ជើញក្រុមផ្សេងៗពីអាស៊ានចូលរួម ដូច្នេះកម្ពុជាក៏ជាប្រទេសមួយដែលត្រូវស្វែងរកក្រុមមួយក្នុងចំណោមក្រុមប្អូនៗដើម្បីធ្វើដំណើរទៅប្រទេសសិង្ហបុរី។

លោកបញ្ជាក់ថា ជុំផ្តាច់ព្រ័ត្រនៅប្រទេសសិង្ហបុរីពិតជាព្រឹត្តិការណ៍ដ៏អស្ចារ្យដែលប្រជុំដោយក្រុមខ្លាំងៗមកពី១០ប្រទេស និងការប្រគំតន្ត្រីដ៏អស្ចារ្យដែលមានកំពូលតារាចម្រៀងលំដាប់ពិភពលោកចូលរួមសម្តែងនៅកីឡដ្ឋាន Indoor Stadium ដែលជាកីឡដ្ឋានដ៏សំខាន់របស់ប្រទេសសិង្ហបុរី។

ព្រឹកនេះកក្រើក E-Sport: LOL វគ្គ៨ក្រុម ស្វែងរកក្រុមតំណាងកម្ពុជាទៅសិង្ហបុរី

ការប្រកួតវគ្គ៨ក្រុមដែលចាប់ដំណើរការប្រកួតព្រឹកនេះនឹងក្លាយជាការប្រកួតដ៏ស្វិតស្វាញដើម្បីរក៤ក្រុមឡើងវគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្រដែលត្រូវប្រកួតបញ្ចប់នៅថ្ងៃអាទិត្យ ទី៣ ខែមិថុនា ស្អែកនេះ។ ការប្រកួតវគ្គ៨ក្រុមចុងក្រោយនេះធ្វើនៅសណ្ឋាគារបារីស ផ្លូវកម្ពុជាក្រោមដែលក្រុម Revenge Team ប៉ះក្រុម Nuclear Tigers និងក្រុម The Great Family ប៉ះក្រុម Aquatix។ ចំណែកក្រុម Team Spirit ត្រូវធ្វើការធ្ងន់ជួប GGWP ហើយ Curious ប្រកួតនឹងក្រុម Choo Choo Train៕