បែកធ្លាយរូបភាពជនបរទេសនៅប្រាសាទអង្គរវត្ត ប្រព្រឹត្តទង្វើខុសទំនង

2018-06-03 04:28:13
ចំនួនមតិ 0 | ចំនួនចែករំលែក 0

ចន្លោះមិនឃើញ

គេហទំព័រ Twitter មួយឈ្មោះថា Cambodia Expats Online បានបង្ហោះរូបភាពជាច្រើនសន្លឹក ពីការថតរូបមិនសមរម្យរបស់ភ្ញៀវទេសចរបរទេសមួយចំនួននៅប្រាសាទអង្គរវត្ត ខេត្តសៀមរាប ដែលទង្វើនេះ ហាក់មិនគោរពបម្រាមដែលអាជ្ញាធរអប្សារាបានកំណត់នោះឡើយ។ ខាងក្រោមនេះជារូបភាពនៃការប្រព្រឹត្តរបស់ជនបរទេសទាំងនោះ៖

តាមពិតទៅនេះមិនមែនជារឿងថ្មីទេ គេនៅចាំបានថា ជនបរទេសមួយចំនួនតូច បានប្រព្រឹត្តិអំពើខុសបម្រាមរបស់អាជ្ញាធរអប្សារា ដូចជា ថតរូប និងបង្ហោះរូបអាក្រាត ដែលធ្វើឲ្យប៉ះពាល់ប្រាសាទ និងវប្បធម៌ប្រពៃណីខ្មែរ ប៉ុន្ដែអាជ្ញាធរកម្ពុជា ក៏បានចាត់វិធានការក្ដៅភ្លាមៗផងដែរ។ ជាក់ស្ដែង កាលពីប៉ុន្មានឆ្នាំមុន អាជ្ញាធរកម្ពុជាបានបណ្តេញចេញជនជាតិបារាំង៣នាក់ និងស្រ្តីជនជាតិអាមេរិកាំងពីរនាក់ រឿងថតរូបអាក្រាតនៅប្រាសាទខ្មែរក្នុងទឹកដីខេត្តសៀមរាប ដោយមិនឲ្យស្នាក់នៅក្នុងកម្ពុជាចំនួន ៤ឆ្នាំ និងដាក់ព្យូរទោស៦ខែ និងពិន័យប្រាក់មួយចំនួន៕

អត្ថបទ៖ ស៊ិន សាវ៉េត

រូបថត៖ Cambodia Expats Online