៤ សន្លឹកនៃមធ្យោបាយធ្វើដំណើរសាធារណៈនៅបង់ក្លាដេសដែលគ្រប់គ្នាស្មានមិនដល់

2018-06-03 07:52:15
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកដំណើរទូលផង កន្តៀតផង មានទាំងអីវ៉ាន់លោតឡើងលើរថភ្លើង ជើងធ្វើដំណើរមមាញឹកខ្លាំង។ អយស្ម័យយានទាំងមូលសឹងមើលមិនឃើញតួខ្លួន ព្រោះអ្នកដំណើរប្រតោងជិះគ្រប់កន្លែងសឹងគ្មានសល់សាច់រថភ្លើងឲ្យសល់ទំនេរ។

ប្រសិនបើអ្នកគិតថាមធ្យោបាយធ្វើដំណើររបស់អ្នកមិនល្អ សូមមើលទិដ្ឋភាពនៃអ្នកធ្វើដំណើរដ៏ស្អេកស្កះនៅទីក្រុងដាកា ប្រទេសបង់ក្លាដេស។ មានអ្នកខ្លះនៅលើដំបូលខំប្រឹងតោងបង្គោលដែកដើម្បីទប់ខ្លួន ដោយព្យាយាមតោងឡើងតាមបង្អួចទុកដូចជណ្ដើរ។

រូបភាពមួយសន្លឹកទៀតបង្ហាញថា អ្នកធ្វើដំណើររាប់ពាន់នាក់បានប្រុងប្រៀបរួចជាស្រេចដោយអង្គុយលើដំបូលស័ង្កសីនៃស្ថានីយអយស្ម័យយាននាទីក្រុងដាកា ដើម្បីប្រុងលោតឡើងលើដំបូលរថភ្លើងពេលវាមកដល់។

ទិដ្ឋភាពទាំងនេះត្រូវបានផ្តិតយកដោយ Nazmul Hasan Khan ដែលជាអ្នកថតរូប ថតនៅអំឡុងពេលដែលប្រជាជនបង់ក្លាដេសសម្រុកចេញពីទីក្រុង ដាកា ទៅខេត្តរៀងៗខ្លួនអំឡុងវិស្សមកាល។ Nazmul បាននិយាយថា "ប្រជាជនភាគច្រើននៅប្រទេសបង់ក្លាដេសមកទីក្រុងដាកាដើម្បីប្រកបការងារចិញ្ចឹមជីវិត ប៉ុន្តែអំឡុងពេលវិស្សមកាលពួកគេត្រលប់ទៅផ្ទះពួកគេវិញរៀងៗខ្លួន"។

បង់ក្លាដេសមានប្រជាជនប្រមាណ ១៦៣ លាននាក់ ច្រើនជាងប្រជាជនកម្ពុជាប្រហែល១០ដង ខណៈដែលផ្ទៃដីមានផ្ទៃក្រឡា ១៤៧ ៥៧០ គម2 ។ រីឯចំណូលសរុបជាមធ្យមរបស់ប្រជាជនម្នាក់រកបានក្នុង១ឆ្នាំ (GDP per capita) គឺ ១ ៣៥៨ ដុល្លារ។ នេះបើតាមរបាយការណ៍ធនាគារពិភពលោកឆ្នាំ ២០១៦៕