ក្រុមចម្រៀងថ្មីសន្លាងរបស់ JYP វ័យសុទ្ធតែជាង១០ឆ្នាំ ត្រៀមបង្ហាញមុខផ្លូវការឆាប់ៗ
- 2018-06-04 03:15:00
- ចំនួនមតិ 0 | ចំនួនចែករំលែក 0
ក្រុមចម្រៀងថ្មីសន្លាងរបស់ JYP វ័យសុទ្ធតែជាង១០ឆ្នាំ ត្រៀមបង្ហាញមុខផ្លូវការឆាប់ៗ
ចន្លោះមិនឃើញ
ក្រុមចម្រៀងថ្មីមួយទៀតហើយរបស់ផលិតកម្ម JYP នឹងបង្ហាញខ្លួនក្នុងពេលឆាប់ និងកាន់តែពិសេសជាងក្រុមមុនៗទៀត។
ក្រុមថ្មីដែលមានឈ្មោះថា Boy Story ជាក្រុមក្មេងប្រុសថ្មីដែលបង្កើតឡើងដោយផលិតកម្មកូរ៉េ JYP និងចិន Tencent Music Entertainment។ ថ្ងៃទី ០៤ ខែមិថុនានេះ ក៏មានសេចក្ដីមួយថា Boy Story នឹងចេញបទចម្រៀងត្រៀមមុនបង្ហាញខ្លួនមួយដែលមានចំណងជើងថា "Handz Up” ដែលជាស្នាដៃផលិតរបស់លោក Park Jinyoung នៅថ្ងៃទី ១២ ខែមិថុនា។
មួយវិញទៀត ក្រុមចម្រៀងដែលសមាជិកទាំងអស់សុទ្ធតែមានអាយុ ១៤ឆ្នាំចុះមួយនេះនឹងត្រៀមខ្លួនបង្ហាញមុខជាផ្លូវការនៅខែកញ្ញាខាងមុខ។
អ្នកតំណាងម្នាក់មកពីផលិតកម្មJYP នៅចិនក៏បានលើកឡើងដែរថា៖ "Boy Story បានទទួលការបណ្តុះបណ្ដាលរយៈពេលជាង ២ឆ្នាំមកហើយ ហើយពួកគេពិតជាឆ្លាតៗ និងតែងបង្ហាញចេញនូវសមត្ថភាព ស្ទីលរៀងៗខ្លួន និងភាពប៉ិនប្រសប់ផ្សេងៗគ្នាតាមរយៈអំឡុងពេលត្រៀមបង្ហាញខ្លួន។ ពួកយើងសង្ឃឹមថា ពួកគេនឹងទទួលបានក្ដីស្រឡាញ់ និងមតិល្អៗពីសំណាក់អ្នកគាំទ្រ។ យើងក៏កំពុងត្រៀមការសម្ដែងជាលក្ខណៈទ្រង់ទ្រាយធំ ព្រមទាំងការប្រគំតន្ត្រីទេសចរណ៍នៃការបង្ហាញខ្លួនរបស់ Boy Story ដែរ”។
សូមបង្ហាញផងដែរថា ក្រុមថ្មីសន្លាងមួយនេះមានសមាជិក ៦នាក់សុទ្ធតែជាជនជាតិចិនមានដូចជា៖ Han Yu (អាយុ១៤ឆ្នាំ), Zi Hao (អាយុ១៣ឆ្នាំ), Ze Yu (អាយុ១៣ឆ្នាំ), Xin Long (អាយុ១៣ឆ្នាំ), Ming Rui (អាយុ១២ឆ្នាំ) និង Shu Yang (អាយុ១១ឆ្នាំ)។ ក្រៅពីច្រៀង កុមារាទាំង ៦នឹងបង្ហាញអ្នកគាំទ្រនូវក្បាច់រាំពោរពេញទៅដោយថាមពលជូនគ្រប់គ្នាឃើញ៕
ទស្សនាវីដេអូ Boy Story រាំ Cover បទ "MIC Drop" របស់ BTS៖