Taylor Swift និយាយពាក្យពេចន៍ដ៏មានន័យ គាំទ្រខែសម្រាប់អ្នកស្រលាញ់ភេទដូចគ្នា
- 2018-06-04 04:20:00
- ចំនួនមតិ 0 | ចំនួនចែករំលែក 0
Taylor Swift និយាយពាក្យពេចន៍ដ៏មានន័យ គាំទ្រខែសម្រាប់អ្នកស្រលាញ់ភេទដូចគ្នា
ចន្លោះមិនឃើញ
កំពូលតារាចម្រៀង Taylor Swift ពិតជាចង់បានពិភពលោកមួយ ដែលមនុស្សគ្រប់គ្នាអាចមានសិទ្ធរស់នៅនិងមានសេចក្ដីស្នេហាស្មើភាពគ្នា។
ម្ចាស់បទ "Look What You Made Me Do” បានបង្ហាញអារម្មណ៍ស្រលាញ់និងគោរពទៅកាន់ អ្នកទាំងឡាយណាដែលធ្លាប់រងគ្រោះនៅការប្រមាថមើលងាយ ដោយសារតែការស្រលាញ់ភេទដូចគ្នា នៅក្នុងឱកាសខែសម្រាប់ពួកគេ "Pride Month”។
Taylor បាននិយាយនៅលើឆាកតន្ត្រីខណៈពេលនាងប្រគំតន្ត្រីទេសចរណ៍នៅទីក្រុង Chicago រដ្ឋ Illinois ថា "វាគឺពិតជាក្លាហានដែលអ្នកលាក់ទុកពីអារម្មណ៍ពិតប្រាកដរបស់ខ្លួន ក្នុងកាលៈទេសៈណាមួយ។ ប៉ុន្តែវាក៏ក្លាហានផងដែរ ដែលអ្នកអាចដឹងច្បាស់ពីអ្វីដែលខ្លួនចង់បាន និងអ្វីដែលអ្នកស្រលាញ់ពេញចិត្ត ព្រមទាំងអ្វីអ្នកគិតថានិងជួបប្រទះពេលរស់នៅក្នុងសង្គម។"
នាងបន្តទៀតថា "ដូច្នេះនៅក្នុងខែនេះ ខ្ញុំចង់ផ្ញើនូវសេចក្ដីស្រលាញ់ ដក់អ្នកទាំងអស់គ្នាដែលមានសេចក្ដីក្លាហាន ដើម្បីបង្ហាញពីអារម្មណ៍ពិតរបស់ខ្លួន និងរស់នៅតាមអារម្មណ៍នោះ។ វាមិនមែនជារឿងខុសឆ្គងនោះទេ ដោយរស់នៅតាមអារម្មណ៍ដែលខ្លួនចង់បានមិនលាក់បាំង។ មួយវិញទៀត ខែនេះគឺជាខែ ដែលយើងគិតពីអ្វីដែលយើងសម្រេចបាន និងត្រៀមខ្លួនសម្រាប់អនាគត។ ខ្ញុំក៏ចង់ផ្ញើសេចក្ដីស្រលាញ់ដល់អ្នកទាំងឡាយណា ដែលមិនទាន់ហ៊ានសារភាពពីអារម្មណ៍របស់ខ្លួននៅពេលនេះ ឬក៏មានគម្រោងនៅថ្ងៃអនាគត។ សង្ឃឹមថាយើងនឹងបានរស់នៅជាមួយគ្នានៅក្នុងពិភពលោកមួយ ដែលពោរពេញទៅដោយការយោគយល់ ហើយអ្នកទាំងអស់គ្នាអាចនិយាយពីអ្វីក្នុងចិត្តខ្លួនពិតប្រាកដ។"
លើសពីនេះនាងក៏មានបង្ហាញសេចក្ដីអំណរគុណដល់ ហ្វូងអ្នកគាំទ្ររាប់រយនាក់ដែលមានវត្តមាននៅទីនោះ និងនិយាយរឿងរ៉ាវផ្ទាល់ខ្លួនខ្លះ ថានាងពិតជាសប្បាយចិត្តនិងសំណាងដែលបានក្លាយជាតារាចម្រៀងម្នាក់ និងប្រកបរបរនេះដើម្បីចិញ្ចឹមជីវិត៕