Rihanna មានវិប្បដិសារី១ បន្ទាប់ពីស្លៀកឈុតស្រាតចូលកម្មវិធីមួយកាលពីឆ្នាំ ២០១៤
- 2018-06-04 09:10:00
- ចំនួនមតិ 0 | ចំនួនចែករំលែក 0
Rihanna មានវិប្បដិសារី១ បន្ទាប់ពីស្លៀកឈុតស្រាតចូលកម្មវិធីមួយកាលពីឆ្នាំ ២០១៤
ចន្លោះមិនឃើញ
កាលពីឆ្នាំ ២០១៤ តារាចម្រៀងជើងចាស់ Rihanna បានធ្វើឲ្យមនុស្សគ្រប់គ្នាភ្ញាក់ផ្អើល ដោយសារតែឈុតសម្លៀកបំពាក់ស្លៀកចូលរួមកម្មវិធី CFDA Awards របស់នាង។
Rihanna បានចូលរួមកម្មវិធីនេះ ដើម្បីទទួលយកពានកិត្តិយសមួយពី ខាងតំណាងអ្នកច្នៃម៉ូដនៅសហរដ្ឋអាមេរិក ដែលពាននោះមានឈ្មោះថា "Fashion Icon Award”។ ដើម្បីទទួលពាន តារាចម្រៀងសញ្ជាតិបារបាដូសរូបនេះ បានស្លៀកឈុតដែលស្ទើរតែបង្ហាញគ្រឿងក្នុងទាំងស្រុង ដើម្បីបង្ហាញពីការប្រថុយប្រថាននៃហ្វេសិនរបស់នាង។
ឈុតនោះបានបង្ហាញល្វែងលើទាំងស្រុង ព្រោះវាគ្រាន់តែសាច់ក្រណាត់ស្ដើងរំលេចត្បូងតូចៗភ្លឺផ្លេកៗតែប៉ុណ្ណោះ។
បន្ទាប់ពីស្លៀកឈុតនេះអស់រយៈពេល៤ឆ្នាំ Rihanna បាននិយាយថានាងមានវិប្បដិសារីមួយ។ ម្ចាស់បទ "Love the Way You Lie” ប្រាប់ទស្សនាវដ្ដី Vogue ថា "ឈុតនេះអាចល្អជាងនេះទៅទៀតប្រសិនជាវាមើលមិនឃើញ ខោក្នុងគែមក្រាស់នៅផ្នែកខាងក្រោម។ ម្យ៉ាងទៀតតើអ្នកអាចស្រមើស្រមៃឈុតនោះជាមួយអាវទ្រនាប់បានទេ? ខ្ញុំសុខចិត្តអារកចោលប្រសិនជាត្រូវតម្រូវឲ្យពាក់អាវទ្រនាប់។ អីចឹងហើយខ្ញុំគួរតែស្លៀកខោទ្រនាប់ខ្សែឲ្យតូចជាងមុនបន្តិច នេះហើយជាវិប្បដិសារីរបស់ខ្ញុំ៕"