Coutinho បង្ហាញឈ្មោះកីឡាករ២នាក់ នឹងរះប្រជែង Messi&CR7 នៅ World Cup
- 2018-06-05 03:13:23
- ចំនួនមតិ 0 | ចំនួនចែករំលែក 0
Coutinho បង្ហាញឈ្មោះកីឡាករ២នាក់ នឹងរះប្រជែង Messi&CR7 នៅ World Cup
ចន្លោះមិនឃើញ
Philippe Coutinho យល់ថា អតីតមិត្តរួមក្រុម Mohamed Salah និងមិត្តរួមជាតិ Neymar អាចនឹងប្រជែងភាពលេចធ្លោពី Lionel Messi និងCristiano Ronaldo នៅ World Cup នាប្រទេសរុស្សី។
Coutinho បានត្រលប់ទៅកាន់កីឡដ្ឋាន Anfield កាលពីថ្ងៃអាទិត្យកន្លងទៅជួយជម្រើសជាតិប្រេស៊ីលយកឈ្នះក្រូអាត ២-០ ក្នុងការប្រកួតមិត្តភាពកម្ដៅសាច់ដុំ។ និយាយពី Salah ពេលនេះកំពុងតែព្យាបាលរបួស បន្ទាប់ពីមានបញ្ហាគ្រាលេង Champions League ផ្ដាច់ព្រ័ត្រជាមួយ Real Madrid.
សម្រាប់ Neymar វិញបានជាពីរបួសវិញហើយ ដោយបានបង្ហាញក្នុងប្រកួតមិត្តភាពជាមួយក្រូអាត ថែមទាំងទាត់បញ្ចូលទីបាន១គ្រាប់ផងដែរ។ នៅសល់៩ថ្ងៃទៀត ព្រឹត្តិការណ៍ World Cup នឹងមកដល់ Coutinho គិតថា ជាពេលដែលកីឡាករដ៏ទៃត្រូវរះក្នុងឆាកប្រកួតដ៏ធំនេះ ក្រៅពី Messi និង Ronaldo។
“មានអារម្មណ៍ថា វាដល់ពេលគ្រប់គ្នាត្រូវចាប់ឱកាសនៅ World Cup ហើយ។ Messi និង Ronaldo ល្បីជាមួយគ្នាយូរឆ្នាំមកហើយ។ ខ្ញុំគិតវាប្រហែលជាដល់ពេលសម្រាប់កីឡាករផ្សេងៗត្រូវបង្ហាញអ្វីដែលខ្លួនប្រាថ្នាចង់បាន ដើម្បីក្លាយជាកីឡាករល្អជាងគេក្នុងលោក។ សម្រាប់ខ្ញុំ Salah និង Neymar មានឱកាសខ្ពស់ចាប់ឱកាសនេះ"។ សម្ដី Coutinho៕